Dinamalar

தசராவுக்கு காத்திருக்கும் கீர்த்தி சுரேஷ்

நானி நடிப்பில் பான் இந்திய திரைப்படமாக உருவாகி வருகிறது 'தசரா'. ஶ்ரீ லக்ஷ்மி வெங்கடேஸ்வரா சினிமாஸ் சார்பில் சுதாகர் செருகுரி தயாரிக்கிறார். ஶ்ரீகாந்த ஒதெலா இப்படம் மூலம் இயக்குநராக அறிமுகமாகிறார். சத்யன் சூரியன் ஒளிப்பதிவு செய்ய சந்தோஷ் நாராயணன் இசையமைக்கும் இப்படத்தில் சமுத்திரக்கனி, சாய் குமார் மற்றும் ஜரீனா வஹாப் உள்பட பலர் நடிக்கிறார்கள்.

தெலுங்கில் தயாராகும் இந்த படம், தமிழ், கன்னடம், மலையாளம் மற்றும் ஹிந்தி ஆகிய மொழிகளில் அடுத்த ஆண்டு மார்ச் 30ம் தேதி வெளியாகிறது. படத்தின் நாயகியாக நடிக்கும் கீர்த்தி சுரேஷின் பிறந்தநாளை முன்னிட்டு அவரது கேரக்டர் தோற்றமும் கேரக்டரின் 'வென்னலா' என்ற பெயரும் வெளியிடப்பட்டுள்ளது. தசாரா திருவிழாவில் கீர்த்தி சுரேஷ் உற்சாக நடனமாடுவது போன்று இந்த கேரக்டர் லுக் வெளியிடப்பட்டுள்ளது.

இந்த படம் தவிர போலோ சங்கர் என்ற படத்திலும் கீர்த்தி சுரேஷ் நடித்து வருகிறார். மகாநடி படத்திற்கு தேசிய விருது வாங்கியதற்கு பிறகு கீர்த்தி சுரேசுக்கு பெரிய அளவில் வெற்றி கிடைக்கவில்லை. மகேஷ் பாபுவுடன் நடித்த 'சர்காரு வாரிபட்டாக' படம் மட்டுமே அவருக்கு சற்று ஆறுதலாக அமைந்தது. இந்த படத்தின் வெற்றியை கீர்த்தி ஆவலாக எதிர்பார்க்கிறார். தமிழில் உதயநிதி ஸ்டாலினுடன் மாமன்னன் படத்தில் நடித்து முடித்துள்ள கீர்த்தி 'சைரன்' படத்தில் நடித்து வருகிறார்.

• 
  4 வருடங்களுக்கு பிறகு வெளியானது 'பேமிலி மேன் 3'
• 
  'தி பேமிலி மேன் 3' ரிலீஸ்: பதட்டமாகவும், சந்தோஷமாகவும் இருக்கு: மனோஜ் ...
• 
  நலமாக இருந்தால்தான் நல்லதைத் தர முடியும்: தீபிகா படுகோனே
• 
  பெரிய சம்பளத்தை மட்டுமே எதிர்பார்த்து நான் நடிப்பதில்லை : தீபிகா படுகோனே ...
• 
  ரன்வீர், சாரா நடித்துள்ள துரந்தர் பட டிரைலர் வெளியானது

• 
  ‛ஸ்பிரிட்' படத்தை துவங்கி வைத்த சிரஞ்சீவி!
• 
  அம்மாவை அவமானப்படுத்தியதால் பென்ஸ் கார் வாங்கிய மிருணாள் தாக்கூர்!
• 
  பிரதீப் ரங்கநாதனின் ‛எல்ஐகே' படத்தின் செகண்ட் சிங்கிள் எப்போது?
• 
  ஜூனியர் என்டிஆரை வைத்து பான் இந்திய படம் இயக்கும் ரிஷப் ஷெட்டி!
• 
  10 கிலோ வெயிட் குறைத்தது எப்படி? கீர்த்தி சுரேஷ் வெளியிட்ட தகவல்