Dinamalar

ராம் சரண் படப்பிடிப்பை மீண்டும் துவங்கிய ஷங்கர்

தமிழ் சினிமாவின் முன்னணி இயக்குனர்களில் ஒருவரான ஷங்கர் தற்போது தமிழில் 'இந்தியன் 2' படத்தையும், தெலுங்கில் ராம் சரணின் 15வது படத்தையும் ஒரு சேர இயக்கி வருகிறார். கமல்ஹாசன் நடிக்கும் 'இந்தியன் 2' படத்தைத்தான் முதலில் ஆரம்பித்தார். அப்படத்தின் படப்பிடிப்பு நடந்து கொண்டிருக்கும் போதே அவர் தற்போது இயக்கி வரும் தெலுங்குப் படத்தின் அறிவிப்பும் வெளிவந்தது.

ஒரு கட்டத்தில் கிரேன் விபத்து, இயக்குனர், தயாரிப்பார் பிரச்சினை, கொரோனா தாக்கம் என 'இந்தியன் 2' படப்பிடிப்பு நின்று போனது. மீண்டும் நடக்குமா நடக்காதா என்ற நிலையில் கமல்ஹாசன் நடித்து வெளிவந்த 'விக்ரம்' படத்தின் வெற்றியும், வசூலும் 'இந்தியன் 2' படப்பிடிப்பு மீண்டும் ஆரம்பமாக ஒரு காரணமாக இருந்தது. படக்குழுவினர் ஒன்றாக அமர்ந்து பேசி பிரச்சினைகளுக்கு முற்றுப்புள்ளி வைத்து கடந்த மாதம் 'இந்தியன் 2' படப்பிடிப்பை மீண்டும் ஆரம்பித்தனர்.

'இந்தியன் 2' படப்பிடிப்பு மீண்டும் ஆரம்பமானதும் ஷங்கர், ராம் சரண் இணைந்து பணியாற்றி வந்த தெலுங்குப் படம் பற்றி அங்கு கிசுகிசுவை பரப்பினர். படத்தின் பட்ஜெட் எகிறியதாலும், படத்தைப் பார்த்த தயாரிப்பாளர் தில் ராஜு திருப்தி அடையவில்லை என்றும் செய்திகள் வர ஆரம்பித்தன. அவற்றிற்கு முற்றுப்புள்ளி வைக்கும் விதமாக தற்போது ராஜமுந்திரியில் அப்படத்தின் படப்பிடிப்பு மீண்டும் ஆரம்பமாகி உள்ளது. ஷங்கர், ராம் சரண் ஆகியோர் படப்பிடிப்பில் உள்ளார்களாம். அடுத்த ஒரு வாரம் படப்பிடிப்பு நடைபெறும் எனத் தெரிகிறது.

'இந்தியன் 2, ராம் சரண் 15வது படம்' என இரண்டையும் மாறி மாறி இயக்கி சீக்கிரமே படப்பிடிப்புகளை முடிக்க ஷங்கர் தனித் தனி குழுக்களை வேலைக்கு அமர்த்தி உள்ளதாகத் தகவல். இரண்டு படங்களையுமே 2023ல் வெளியிட திட்டமிட்டுள்ளார்களாம்.

• 
  மகனை இயக்குனராக அறிமுகப்படுத்தும் ஷாருக்கான்
• 
  வாழ்க்கையை குறை சொல்லாதீங்க : தோல்வி குறித்து ஷாரூக்கான் தந்த அறிவுரை
• 
  உண்மையை வெளிக்கொண்டு வந்துள்ளது: 'தி சபர்மதி ரிப்போர்ட்' படத்திற்கு ...
• 
  கங்குவா பட நாயகி திஷா பதானியின் தந்தையிடம் ரூ.25 லட்சம் மோசடி
• 
  வளர்ப்பு மகள் மீது 50 கோடி நஷ்ட ஈடு கேட்டு வழக்கு தொடர்ந்த நடிகை

• 
  இளம் நடிகருடன் காதலா? - கோட் நடிகை விளக்கம்
• 
  ஏஆர் ரஹ்மான் பிரிவுக்கும், மோகினி டே பிரிவுக்கும் சம்பந்தம் இல்லை: சாய்ரா ...
• 
  என் மகளை மீட்டு தந்தது செட்டிக்குளங்கரா தேவி தான் : நயன்தாரா அம்மா ...
• 
  கிஸ் படத்திலிருந்து அனிரூத் விலகலா?
• 
  சம்பந்தி இது சரியில்லை : ‛ராஜாகிளி' பட விழாவில் அர்ஜூன் கலாட்டா