Dinamalar

தனுஷ், ஐஸ்வர்யா சேர்ந்து வாழ முடிவு: கடமையை செய்த ரஜினி

ரஜினி மகள் ஐஸ்வர்யாவுக்கும், அப்போது வளரும் நடிகராக இருந்த தனுசுக்கும் கடந்த 2004ம் ஆண்டு திருமணம் நடந்தது. ஒரு சூப்பர் ஸ்டாரின் மகள் வளர்ந்து வரும் சிறிய நடிகரை மணக்கிறாரே என்ற ஆச்சர்ய அலைகள் அப்போது பரவியது. ஆனாலும் தனுஷ் தனது சுய உழைப்பால், முயற்சியால் தேசிய விருது வரைக்கும் உயர்ந்தார். இன்று வணிக மதிப்புள்ள ஒரு நடிகராக வலம் வருகிறார். இவர்களுக்கு யாத்ரா, லிங்கா என 2 மகன்கள் இருக்கிறார்கள்.

இந்த நிலையில், தனுஷ், ஐஸ்வர்யா இடையே கருத்து வேறுபாடு ஏற்பட்டு இருவரும் பிரிவதாக கடந்த சில மாதங்களுக்கு முன்பு அறிவித்தார்கள். இது ரசிகர்களுக்கும், திரையுலகினருக்கும் பெரும் அதிர்ச்சியை ஏற்படுத்தியது. குறிப்பாக இது ரஜினிக்கு பெரிய மன உளைச்சலை ஏற்படுத்தியது. ஒரு ஆன்மிக நிகழ்ச்சியில் பங்கேற்ற ரஜினி “எவ்வளவு வசதி, பணம் குவிந்தாலும் மனதில் நிம்மதி இல்லை” என்று வெளிப்படையாகவே பேசினார்.தனுஷ், ஐஸ்வர்யா மீண்டும் இணைந்து வாழ வேண்டும் என்று விரும்பிய ரஜினி, சில காலம் இருவரிடமும் பேசுவதை தவிர்த்து வந்தார். பின்னர் சேர்ந்து வாழ்வதற்கான சாத்தியக்கூறுகள் பற்றி யோசியுங்கள் என்று கூறி வந்தார்.

காரணம் திருமண உறவு மீது ரஜினிக்கு பெரிய மரியாதையும், மதிப்பும் இருந்தது. அதனால்தான் அவர் லதாவுடன் சின்ன உரசல்கூட இல்லாமல் இத்தனை ஆண்டு காலம் சேர்ந்து வாழ்ந்து வருகிறார். இதனை மகள், மருமகனுக்கு எடுத்துச் சொல்லி இருவரும் சேர்ந்து வாழ பல சுற்று பேச்சுவார்த்தை நடத்தினார். இதை தொடர்ந்த இருவரும் சேர்ந்து வாழ முடிவு செய்திருப்பதாக தற்போது வெளிவரும் தகவல்கள் தெரிவிக்கிறது.

அண்மையில் மகனின் பள்ளி விழாவில் இருவரும் சேர்ந்து கலந்து கொண்டபோதே இதற்கான பிள்ளையார் சுழி போடப்பட்டது. ரஜினியின் தீவிர முயற்சியால் பிரிந்து வாழும் முடிவை இருவரும் கைவிட்டடிருப்பதாகவும், விவாகரத்து வழக்கை வாபஸ் பெற இருப்பதாகவும் கூறப்படுகிறது. இதுகுறித்து ஐஸ்வர்யா, தனுஷ் இருவருமே கூட்டாக ஒரு அறிக்கையை ஓரிரு தினங்களில் வெளியிட இருக்கிறார்கள். ஒரு தந்தையாக ரஜினி தன் கடமையை செய்திப்பதாக அவரது ரசிகர்கள் கொண்டாடி வருகிறார்கள்.

• இவரை பற்றி
• செய்திகள்
• ஆல்பம்
• வால் பேப்பர்கள்
• வீடியோ
• வந்த படங்கள்
• வரவிருக்கும் படங்கள்
• டுவிட்டர்

• இவரை பற்றி
• செய்திகள்
• ஆல்பம்
• வீடியோ
• வந்த படங்கள்
• டுவிட்டர்

• 
  ஷாருக்கான் மகளுக்கு அம்மாவாக நடிக்கும் தீபிகா படுகோன்
• 
  சன்னி தியோலை நேரில் சந்தித்த பிரபாஸ்: ‛ஜாட்' படத்திற்கு வாழ்த்து
• 
  பிரித்விராஜ்க்கு வருமான வரித்துறை நோட்டீஸ் ; எம்புரான் படம் காரணம் அல்ல
• 
  ஆஸ்கர் விருது வரை சென்ற 'லபாட்டா லேடீஸ்' படம் கதை காப்பி சர்ச்சையில் ...
• 
  சினிமா ஆனது இந்தியாவின் முதல் மகாத்மாவின் வாழ்க்கை

• 
  அன்னை இல்லத்தில் எனக்கு எந்த உரிமையும் இல்லை: ராம்குமார் பிரமாண மனு ...
• 
  'ஆலப்புழா ஜிம்கானா' படக்குழுவினரை பாராட்டிய சிவகார்த்திகேயன்
• 
  ஓடிடி.,க்கு அதிக விலைக்கு போன டாப் தமிழ் படங்கள்
• 
  20 ஆண்டுகளாக தோழிகளாக வலம்வரும் திரிஷா - சார்மி!
• 
  'குபேரா' படத்தின் புதிய அப்டேட்!