Dinamalar

இந்தியன்-2 வில் இணைந்த நந்து பொதுவால்

கமல் - ஷங்கர் கூட்டணியில் கடந்த 27 வருடங்களுக்கு முன்பு வெளியாகி மிகப்பெரிய வெற்றி பெற்ற படம் இந்தியன். இந்த படத்தின் இரண்டாம் பாகம் தற்போது தயாராகி வருகிறது. கடந்த இரண்டு வருடங்களுக்கு முன்பே இந்த படம் துவக்கப்பட்டாலும் சில பிரச்சனைகள் காரணமாக இடையில் தேக்கம் ஏற்பட்டு, தற்போது மீண்டும் முழுவீச்சுடன் துவங்கப்பட்டுள்ளது.

கதாநாயகிகளாக காஜல் அகர்வால், ரகுல் ப்ரீத் சிங், பிரியா பவானி சங்கர் ஆகியோர் நடிக்கின்றனர். இந்த படத்தின் இரண்டாம் பாகத்தில் புதிதாக விவேக் கதாபாத்திரம் இணைக்கப்பட்டு சில காட்சிகளும் படமாக்கப்பட்டன. ஆனால் இடையில் எதிர்பாராதவிதமாக விவேக் காலமானதால் தற்போது அவருக்கு பதிலாக இந்தப் படத்தில் நடிகர் குருசோமசுந்தரம் அந்த கதாபாத்திரத்தில் நடிக்க இருக்கிறார்.

அதேப்போல முதல் பாகத்தில் சிபிஐ அதிகாரியாக நடித்து ரசிகர்களின் வரவேற்பை பெற்ற நெடுமுடி வேணுவின் கதாபாத்திரமும் இந்த இரண்டாம் பாகத்தில் தொடர்வதாக உருவாக்கப்பட்டிருந்தது. அவரும் சில நாட்கள் படப்பிடிப்பில் கலந்து கொண்டு நடித்தார். இந்தநிலையில் அவரும் சில மாதங்களுக்கு முன்பு காலமானார். அதனால் அவர் நடித்த கதாபாத்திரத்தில் இன்னொரு மலையாள நடிகரான நந்து பொதுவால் என்பவர் நடிக்க இருக்கிறார். மலையாளத்தில் குணசித்திர நடிகராக பல படங்களில் நடித்துள்ள இவர், கிட்டத்தட்ட மறைந்த நடிகர் நெடுமுடி வேணுவின் சாயலிலேயே இருக்கிறார் என்பதால் இந்த கதாபாத்திரத்திற்கு இவரை தேர்வு செய்துள்ளாராம் ஷங்கர்.

• 
  4 வருடங்களுக்கு பிறகு வெளியானது 'பேமிலி மேன் 3'
• 
  'தி பேமிலி மேன் 3' ரிலீஸ்: பதட்டமாகவும், சந்தோஷமாகவும் இருக்கு: மனோஜ் ...
• 
  நலமாக இருந்தால்தான் நல்லதைத் தர முடியும்: தீபிகா படுகோனே
• 
  பெரிய சம்பளத்தை மட்டுமே எதிர்பார்த்து நான் நடிப்பதில்லை : தீபிகா படுகோனே ...
• 
  ரன்வீர், சாரா நடித்துள்ள துரந்தர் பட டிரைலர் வெளியானது

• 
  ஹரிஷ் கல்யாண் நடிக்கும் 'தாஷமக்கான்'
• 
  மணிரத்னம் படத்தில் நடிக்க மறுத்தாரா சாய் பல்லவி?
• 
  நெட்பிளிக்ஸ் முடிவு : அதிர்ச்சியில் தென்னிந்திய திரையுலகம்
• 
  விமலின் மகாசேனா படம் டிசம்பர் 12ல் திரைக்கு வருகிறது
• 
  பராசக்தி பட டப்பிங்கில் அதர்வா