Dinamalar

புஷ்பா 2வில் விஜய்சேதுபதி இல்லை

கடந்த வருடம் தெலுங்கில் அல்லு அர்ஜுன் நடிப்பில் சுகுமார் இயக்கத்தில் உருவான புஷ்பா திரைப்படம் புஷ்பா தி ரைஸ் என்கிற பெயரில் முதல் பாகமாக வெளியானது. தெலுங்கில் மட்டுமல்லாது மற்ற தென்னிந்திய மொழிகளிலும் பாலிவுட்டிலும் சேர்த்து இந்த படம் மிகப்பெரிய வரவேற்பை பெற்றது. இந்த படத்தில் கதாநாயகியாக நடித்த ராஷ்மிகா மற்றும் ஒரே ஒரு பாடலுக்கு ஆடிய சமந்தா ஆகியோரின் நடனங்கள் மற்றும் வில்லத்தனம் கலந்த போலீஸ் அதிகாரியாக நடித்த பஹத் பாசிலின் நடிப்பு ஆகியவை படத்தின் வெற்றிக்கு பக்கபலமாக அமைந்தன..

இந்த நிலையில் இந்த படத்தின் இரண்டாம் பாகத்திற்கான படப்பிடிப்பு துவங்க உள்ளது. முதல் பாகத்தில் இடம்பெற்ற பஹத் பாசில் இந்த படத்திலும் தொடர்கிறார். அதே சமயம் இந்த படத்தில் விஜய்சேதுபதி இன்னொரு முக்கியமான கதாபாத்திரத்தில் நடிக்கிறார் என்று தற்போது வரை சொல்லப்பட்டு வருகிறது.

இந்த நிலையில் விஜய்சேதுபதி குழுவினரின் தரப்பிலிருந்து படத்தில் விஜய் சேதுபதி நடிக்கவில்லை என்கிற தகவல் வெளியாகி உள்ளது. மேலும் அவர் தற்போது அட்லீ இயக்கத்தில் ஷாருக்கான் நடிக்கும் ஜவான் படத்தில் மட்டுமே வில்லனாக நடித்து வருகிறார் என்றும் அவர்கள் கூறியுள்ளதாக தகவல் வெளியாகி உள்ளது. விக்ரம் படத்தை தொடர்ந்து புஷ்பா-2வில் விஜய்சேதுபதி-பஹத் பாசில் கூட்டணியை காண்பதற்கு ஆவலாக இருந்த ரசிகர்கள் இந்த செய்தியால் ஏமாற்றம் அடைந்துள்ளனர்.

• 
  சாராவை தவறான நோக்கத்தில் கட்டிப்பிடிக்கவில்லை : பாலிவுட் நடிகர் ராகேஷ் ...
• 
  தர்மேந்திராவின் கடைசி படம் ஆங்கில புத்தாண்டில் ரிலீஸ்
• 
  ‛பார்டர் 2'வில் வருண் தவான் நடிப்பிற்கு பாராட்டு தெரிவித்த பரம்வீர் ...
• 
  சூதாட்ட செயலி வழக்கு : பாலிவுட் நடிகர், நடிகைகள் சொத்துக்கள் முடக்கம்
• 
  4 இடியட்ஸ் ஆக உருவாகும் 3 இடியட்ஸ் படத்தின் 2ம் பாகம் ?

• 
  மம்முட்டி நடிக்க வேண்டிய படத்தில் ஜீவா
• 
  ரீ ரிலீஸ் ஆகும் அஜித்தின் மங்காத்தா
• 
  47வது படத்தில் மீண்டும் போலீஸ் வேடத்தில் சூர்யா
• 
  அரசன் பட படப்பிடிப்பில் விஜய் சேதுபதி
• 
  தாத்தாவாக நடிக்க மாட்டேன், அப்பாவுடன் நடிக்க ஆசை : விக்ரம் பிரபு