நான் இன்னும் சிங்கிள் தான் - ராஷ்மிகா மந்தனா

தெலுங்கு, தமிழ், ஹிந்தி என மூன்று மொழிகளிலும் பிஸியான நடிகையாக இருப்பவர் கன்னட நடிகையான ராஷ்மிகா மந்தனா. தற்போது விஜய்யுடன் "வாரிசு" படத்தில் நடித்து வருகிறார். ஹிந்தியிலும் சில படங்களில் நடித்து வருகிறார்.

ராஷ்மிகாவுக்கும், விஜய் தேவரகொண்டாவுக்கும் காதல் என அடிக்கடி கிசுகிசு வந்து கொண்டிருக்கிறது. அதை இருவரும் அவ்வப்போது மறுத்தும் வந்தார்கள். சமீபத்திய பேட்டி ஒன்றில் இருவருமே அது பற்றி தனித்தனியாக தங்களது கருத்துக்களைத் தெரிவித்துள்ளார்கள்.

காபி வித் கரண் நிகழ்ச்சியில் கலந்து கொண்ட விஜய் தேவரகொண்டா, “அவர் எனது டார்லிங், ஆனால், நாங்கள் இருவரும் டேட்டிங் செய்யவில்லை,” என்றும் மற்றொரு பேட்டியில் பேசிய ராஷ்மிகா, “நான் சிங்கிள்தான். யாருடனும் எந்த உறவிலும் இல்லை,” என பதிலளித்துள்ளார்.

தெலுங்குத் திரையுலகத்தில் சமீபத்திய சினிமா ஜோடிகளில் பலரையும் கவர்ந்த ஜோடியாக விஜய் தேவரகொண்டா, ராஷ்மிகா ஜோடி இருந்தது. அதனால்தான் அவர்களைப் பற்றி அடிக்கடி கிசுகிசுக்கள் வெளிவருகிறது.