Dinamalar

கார்த்திகேயா - 2 தெலுங்கு படத்தின் பிரமோஷன் : சர்ச்சையில் சிக்கிய அனுபமா பரமேஸ்வரன்

தமிழில் கொடி, தள்ளிப் போகாதே போன்ற படங்களில் நடித்தவர் மலையாள நடிகை அனுபமா பரமேஸ்வரன். இவர் தற்போது தெலுங்கில் கார்த்திகேயா 2, 18 பேஜஸ், பட்டர்பிளை போன்ற படங்களில் நடித்து வருகிறார். இதில் நிகில் சித்தார்த்துக்கு ஜோடியாக அனுபமா பரமேஸ்வரன் நடித்துள்ள கார்த்திகேயா 2 என்ற படம் ஆகஸ்ட் 12ம் தேதி திரைக்கு வருகிறது. அதனால் தற்போது இப்படத்தின் பிரமோஷனில் நாயகன் நிகில் சித்தார்த் ஈடுபட்டிருக்கிறார். ஆனால் அனுபமா பிரமோஷனில் கலந்து கொள்ளாததால் அவர் மீது பல தரப்பட்ட குற்றச்சாட்டுகள் எழுந்து இருக்கிறது.

இந்த நிலையில் உடனடியாக அதுகுறித்து ஒரு விளக்கம் கொடுத்திருக்கிறார் அனுபமா பரமேஸ்வரன். அவர் கூறுகையில், கார்த்திகேயா-2 படத்தின் பிரமோசனில் ஏன் கலந்து கொள்ள முடியவில்லை என்பது பற்றி தெளிவுபடுத்த விரும்புகிறேன். நான் வேறு இரண்டு படங்களில் தற்போது இரவு பகலாக தொடர்ந்து படப்பிடிப்பில் நடித்து வருகிறேன். அதோடு கார்த்திகேயா- 2 படத்தின் வெளியீட்டு தேதிகள் துரதிஷ்டவசமாக பலமுறை மாற்றப்பட்டதால் ஏற்பட்ட குழப்பம் காரணமாக எனது கால்சீட்டை மற்ற படங்களுக்கு கொடுத்து விட்டேன். இந்த நேரத்தில் திடீரென்று இந்த படத்தின் ரிலீஸ் தேதி ஆகஸ்ட் 12 என்று அறிவிக்கப்பட்ட போது என்னால் பிரமோசனில் கலந்து கொள்ள முடியாத நிலை ஏற்பட்டிருக்கிறது. மற்றபடி கார்த்திகேயா- 2 படத்தின் பிரமோசனை நான் திட்டமிட்டு தவிர்க்கவில்லை என்று கூறியுள்ள அனுபமா பரமேஸ்வரன், இப்படத்தின் நாயகன் நிகில் சித்தார்த் பிரமோசனங்களில் தீவிரம் காட்டி வருகிறார். அதற்காக அவரை பாராட்டுகிறேன் என்று தெரிவித்திருக்கிறார்.

• 
  சமந்தா சொல்வது உண்மைதான் : அர்ஜுன் கபூர் ஒப்புதல்
• 
  மகனை இயக்குனராக அறிமுகப்படுத்தும் ஷாருக்கான்
• 
  வாழ்க்கையை குறை சொல்லாதீங்க : தோல்வி குறித்து ஷாரூக்கான் தந்த அறிவுரை
• 
  உண்மையை வெளிக்கொண்டு வந்துள்ளது: 'தி சபர்மதி ரிப்போர்ட்' படத்திற்கு ...
• 
  கங்குவா பட நாயகி திஷா பதானியின் தந்தையிடம் ரூ.25 லட்சம் மோசடி

• 
  ஏ.ஆர்.ரஹ்மான் வழக்கறிஞர் எச்சரிக்கை
• 
  ஹரிஷ் கல்யாணுக்கு ஜோடியாகும் ‛ஸ்டார்' பட நடிகை
• 
  நிலவுக்கு என்மேல் என்னடி கோபம் படப்பிடிப்பு நிறைவு பெற்றது
• 
  துப்பாக்கிய பிடிங்க : விஜய்யின் பெருந்தன்மை - சிவகார்த்திகேயன் ...
• 
  விஷ்ணு விஷால் படத்தில் நிகழ்ந்த மாற்றம்