Dinamalar

பாலிவுட்டில் தொடரும் சோகம்: ஷம்ஷேராவும் அவுட்

தென்னிந்திய படங்களான ஆர்ஆர்ஆர், புஷ்பா, கே.ஜி.எப், விக்ரம் மாதிரியான படங்கள் பாலிவுட்டில் வசூலை குவித்து வரும் நிலையில் பாலிவுட் படங்கள் தொடர் தோல்விகளை சந்தித்து வருகின்றன. குறிப்பாக பிரமாண்ட பட்ஜெட்டில் தயாராகும் படங்கள்.

கங்கனா ரணாவத் நடித்த தக்கட் படம் சுமார் 80 கோடி ரூபாய் பட்ஜெட்டில் தயாரானது. இந்த படம் பெரும் தோல்வியை சந்தித்தது. தியேட்டரில் இந்த படம் 5 கோடிக்கும் குறைவாக வசூலித்தது. ஓடிடி தளத்திற்கு 20 கோடிக்கு விற்கப்பட்டுள்ளது. என்றாலும் தயாரிப்பாளருக்கு 60 கோடி நஷ்டம் ஆனது.

அதன்பிறகு வெளிவந்த படம் சாம்ராட் பிருத்விராஜ். அக்ஷய்குமார் நடித்த இந்த படம் முகலாய மன்னர்களை எதிர்த்து போரிட்டு இந்து சாம்ராஜ்யத்தை உருவாக்கிய மன்னர் பிருத்விராஜ் பற்றியது. 150 கோடியில் தயாரிக்கப்பட்டு இந்த படமும் 20 கோடிக்கும் குறைவாக வசூலித்து பெரும் நஷ்டத்தை கொடுத்தது.

இந்த வரிசையில் அடுத்து இணைந்துள்ளது ஷம்சேரா. கரண் மல்ஹோத்ரா இயக்கத்தில் ரன்வீர்கபூர் நடிப்பில் வெளியான படம். வாணி கபூர், சஞ்சய் தத் உள்ளிட்ட பலர் நடித்துள்ளனர். படம் கடந்த 22ம்தேதி திரையரங்குகளில் வெளியானது. 150 கோடி ரூபாய் பட்ஜெட்டில் தயாரான இப்படம் இதுவரை 20 கோடி மட்டுமே வசூலித்துள்ளது. அதிகபட்சம் 50 வசூலிக்கும் என்கிறார்கள். பாலிவுட்டின் பெரிய பட்ஜெட் படங்களின் தொடர்தோல்வி பாலிவுட் திரையுலகில் அதிர்ச்சியை ஏற்படுத்தி உள்ளது.

• 
  மென்மையானவர் விஜய்... நல்ல குடும்பஸ்தர் அஜித்: மனம் திறந்த தமன்னா
• 
  'திரு.மாணிக்கம்' திரைக்கதை புத்தகமாக வெளியீடு
• 
  3 படங்கள் 1000 கோடி முதலீடு, மீண்டு வருமா தயாரிப்பு நிறுவனம் ?
• 
  முதல்வர் ஸ்டாலினின் வாழ்க்கை படமாகிறது: சமுத்திரக்கனி இயக்குகிறார்?
• 
  ரஜினியுடன் நடிக்கும்போது இந்த சவாலை எதிர்கொள்ள வேண்டி இருந்தது ; நடிகர் ...

• 
  எனக்கு நட்டம் தான், துரந்தர் 2 படத்தில் நடிக்காதது குறித்து அனில் கபூர் ...
• 
  ராஷ்மிகாவின் காக்டெய்ல் 2 படத்தின் ரிலீஸ் தேதி வெளியானது
• 
  சீக்வல் என்பதே ஒரு வகையான சுரண்டல் தான் : பிரியதர்ஷன் ஓபன் டாக்
• 
  ஒருவர் பின் ஒருவராக போகிறார்கள் ; நண்பர் மறைவால் அமிதாப் பச்சன் வேதனை
• 
  பாலிவுட் நடிகை கேரளாவில் திடீர் திருமணம்