Dinamalar

அரபி பாடலை பாடிய மம்தா மோகன்தாஸ்

தமிழில் விஷால் நடித்த சிவப்பதிகாரம் படத்தின் மூலம் கதாநாயகியாக அறிமுகமானவர் மம்தா மோகன்தாஸ். அடிப்படையில் பின்னணி பாடகியான இவர் தமிழ், மலையாளம் ஆகிய மொழிகளில் பல பாடல்களை பாடியுள்ளார். இந்த நிலையில் சமீபத்தில் அரபு மொழியில் ஒரு பாடலை பாடியுள்ளார் மம்தா. ஆனால் இது எந்த படத்திற்காகவும் அல்ல.. சமீபத்தில் அபுதாபியில் நடைபெற்ற ஒரு விருது வழங்கும் விழாவில் கலந்து கொண்ட மம்தா மோகன்தாஸை மேடையில் பாடுமாறு விழாக்குழுவினர் கேட்டுக்கொண்டனர்.

அப்போது மேடையேறிய மம்தா அரபு மொழியில் ஹிட்டான ஒரு பாடலை பாடி அரங்கில் இருந்தோரின் கைதட்டலை அள்ளினார். அதேசமயம் இவர் பாடிய இந்த பாடல் வீடியோ இதுவரை எங்கேயும் வெளியாகாமல் இருந்தது. இந்த நிலையில் மம்தா மோகன்தாஸின் ரசிகர் ஒருவர், அவர் மேடையில் பாடிய அந்த வீடியோவை சோசியல் மீடியா மூலமாக அவருக்கு பகிர்ந்துள்ளார்.

இந்த பாடல் கிடைத்த மகிழ்ச்சியில், “இதுநாள் வரை இந்த பாடல் கிளிப்பிங் எங்கேயாவது கிடைக்காதா என தேடிக்கொண்டிருந்தேன். ரசிகர் ஒருவர் மூலமாக அது என்னை தேடி வந்தபோது மிகப்பெரிய அளவில் ஆச்சரியமடைந்தேன். ஏனென்றால் நான் பாடியது என்னுடைய பேவரைட் அரபு பாடல்களில் ஒன்று. அரபு உலகம், கலாச்சாரம், உணவு, மொழி எல்லாமே எனது இதயத்துக்கு மிக நெருக்கமான ஒன்று என்று கூறியுள்ளார் மம்தா மோகன் தாஸ்.

மம்தாவை பொருத்தவரை அவர் மலையாளி ஆக அறியப்பட்டாலும் அவர் பிறந்து வளர்ந்தது எல்லாமே அரபு நாடுகளில் ஒன்றான பக்ரைனில் தான் என்பது குறிப்பிடத்தக்கது.

• 
  பெரிய சம்பளத்தை மட்டுமே எதிர்பார்த்து நான் நடிப்பதில்லை : தீபிகா படுகோனே ...
• 
  ரன்வீர், சாரா நடித்துள்ள துரந்தர் பட டிரைலர் வெளியானது
• 
  இந்த 3 விஷயங்களும் முக்கியமானவை : தீபிகா படுகோனே
• 
  தனுஷின் தேரே இஷ்க் மெயின் டிரைலர் வெளியீடு : வரவேற்பு எப்படி
• 
  பாலிவுட்டின் மூத்த நடிகை காமினி கவுசல் காலமானார்

• 
  ரீ ரிலீஸ் படங்கள் முடிவுக்கு வருகிறதா?
• 
  சர்வர் வேலை சாதாரணமானது இல்லை : இயக்குனர் கே.பாக்யராஜ் சொன்ன கதை
• 
  நயன்தாரா பிறந்தநாளுக்கு ரோல்ஸ் ராய்ஸ் கார் பரிசளித்த விக்னேஷ் சிவன்
• 
  பிளாஷ்பேக்: நட்பின் ஆழம் பேசிய “எங்கள் தங்கம்” படப் பாடல்கள்
• 
  இப்போதே புரமோஷனை ஆரம்பித்த 'வாரணாசி' படக்குழு