Dinamalar

அதே படம்... அப்பா இசையமைத்த மற்றொரு ஹிட் பாடலை பயன்படுத்திய யுவன்

பழைய பாடல்களை ரீ-மிக்ஸ் செய்வது அவ்வப்போது நடந்து கொண்டே இருக்கிறது. இளையராஜாவின் பல பாடல்களை பல இசையமைப்பாளர்கள் ரீ-மிக்ஸ் செய்துள்ளனர். இசையமைப்பாளர் யுவன் ஷங்கர் ராஜாவும் தன் தந்தை இளையராஜா இசையமைத்த பாடல்களை தொடர்ந்து அவர் இசையமைக்கும் படங்களில் பயன்படுத்தி வருகிறார்.

சுந்தர்.சி இயக்கத்தில் ஜீவா, ஜெய், ஸ்ரீகாந்த், அம்ரிதா ஐயர், மாளவிகா சர்மா, ரைசா வில்சன், ஐஸ்வர்யா தத்தா, டிடி, யோகி பாபு உள்ளிட்டோர் நடிப்பில் உருவாகி வரும் படம் ‛காபி வித் காதல்'. இந்த படத்திற்கு யுவன் ஷங்கர் ராஜா இசையமைக்கிறார். நீண்ட இடைவெளிக்கு பின் சுந்தர் சி இயக்கும் படத்திற்கு யுவன் இசையமைக்கிறார்.

காதல், காமெடி கலந்த படமாக உருவாகி வரும் இந்த படத்தின் முதல் பாடலான ‛ரம் பம் பம்' என்ற பாடலை இன்று மாலை வெளியிடுகின்றனர். இதற்கான புரொமோ வீடியோ வெளியாகி உள்ளது. ஏற்கனவே இளையராஜா இசையமைத்த ‛மைக்கேல் மதன காமராசன்' படத்தில் இடம் பெற்ற ‛ரம் பம் பம் ஆரம்பம்...' பாடல் தான் இது.

கமல் நடிப்பில் இளையராஜா இசையில் வெளியான மைக்கேல் மதன காமராசன் படத்தில் இடம் பெற்ற சூப்பர் ஹிட் பாடலான ‛பேரு வச்சாலும் வைக்காம போனாலும் மல்லி வாசம்' என்ற பாடலை சந்தானம் நடித்த டிக்கிலோனா படத்திற்காக பயன்படுத்தினார் யுவன். இந்த பாடலுக்கு நல்ல வரவேற்பு கிடைத்தது. அதே பாணியில் இப்போது இதே படத்தில் இடம் பெற்ற மற்றொரு ஹிட் பாடலான ரம் பம் பம் ஆரம்பம்... என்ற பாடலையும் சுந்தர் சி படத்திற்காக அப்பா இளையராஜா அனுமதி உடன் பயன்படுத்தி உள்ளார் யுவன். இந்த பாடலுக்கு நல்ல வரவேற்பு கிடைக்கும் என எதிர்பார்க்கப்படுகிறது.

• 
  ஒருவர் பின் ஒருவராக போகிறார்கள் ; நண்பர் மறைவால் அமிதாப் பச்சன் வேதனை
• 
  பாலிவுட் நடிகை கேரளாவில் திடீர் திருமணம்
• 
  சாய் பல்லவி நடித்துள்ள ஏக் தின் ஹிந்தி படத்தின் டிரைலர் வெளியானது
• 
  மும்பை துப்பாக்கிச்சூடு சம்பவத்தை மையப்படுத்தி உருவாகும் படத்தில் ...
• 
  துரந்தர் பட ரசிகர்களுக்கு சர்ப்ரைஸ்

• 
  ‛ஜெயிலர் 2' படப்பிடிப்பில் யோகி பாபுவிடம் அடிக்கடி சந்தேகத்தை நிவர்த்தி ...
• 
  ‛ஆடு 3' படத்தில் ஐட்டம் டான்ஸ் ஆடி இருக்கிறாரா நிகிலா விமல் ? ; இயக்குனர் ...
• 
  ஷோரூம் திறப்பு விழாவில் அரசியல் பஞ்ச் டயலாக் பேசிய ரவி மோகன்!
• 
  தனது 100வது படத்தில் முதல் பட நாயகனான மோகன்லாலை நடிக்க வைக்கும் ...
• 
  அஜித்துக்கு 30 லட்சம் மதிப்பிலான காரை பரிசளித்த மஹிந்திரா நிறுவனம்!