Dinamalar

சென்னையும், தமிழும்…. பிரபாஸ் நெகிழ்ச்சி…

பான் இந்தியா நடிகராக பிரபலமடைந்துள்ள தெலுங்கு நடிகர் பிரபாஸ், சென்னையில் பிறந்து, படித்து வளர்ந்தவர். 90கள் வரையிலும் தெலுங்குத் திரையுலகத்தின் மையமாக சென்னை தான் இருந்தது. அதனால், தெலுங்குத் திரையுலகினர் சென்னையில்தான் வசித்து வந்தனர். அதனால், வெங்கடேஷ், பிரபாஸ், மகேஷ்பாபு, அல்லு அர்ஜுன் உள்ளிட்டவர்கள் இங்குதான் படித்து வளர்ந்தனர்.

கடந்த வாரம் வெளியான தெலுங்குப் படமான 'கபுள் பிரண்ட்லி' படக்குழுவினருடன் பிரபாஸ் உரையாடிய வீடியோவில் அவர் சென்னையைப் பற்றியும், தனது தமிழைப் பற்றியும் நெகிழ்ச்சியாகக் குறிப்பிட்டுள்ளார்.

“சென்னையுடன் எனக்கு மிகவும் சிறப்பான தொடர்பு உண்டு. நான் அங்கே பிறந்தேன், மற்றும் டான் பாஸ்கோ பள்ளியில் படித்தேன். எனவே, பல வழிகளில், சென்னையில் எனது வேர்கள் இருக்கும் இடம்.

இன்று வரை, சென்னை நகரத்துடன் உணர்ச்சி ரீதியாக இணைக்கப்பட்டிருப்பதாக உணர்கிறேன். நான் பின்னர் ஆந்திராவுக்கு மாறியிருக்கலாம், ஆனால் சென்னை எப்போதும் எனது ஒரு பகுதியாக இருக்கும். நான் சில வருடங்களாக தமிழைக் கொஞ்சம் மறந்துவிட்டேன், ஆனால், ராஜு மாஸ்டர், பிரபுதேவா மாஸ்டர், சேகர் மாஸ்டர் மற்றும் அம்மா ராஜசேகர் போன்ற தமிழ்நாட்டைச் சேர்ந்த, எனக்கு மிகவும் நெருக்கமானவர்கள் காரணமாக, நான் இன்னும் அடிக்கடி தமிழ் பேசுவதற்கு வாய்ப்பு கிடைக்கிறது.

மேலும், தெலுங்குத் திரையுலகத்தில் உள்ள பல தொழில்நுட்பக் கலைஞர்கள் தமிழ்நாட்டைச் சேர்ந்தவர்கள், எனவே அவர்களுடன் பேசுவதால் மொழியுடன் இணைந்திருக்க உதவுகிறது. இல்லையெனில், நான் அதை முழுமையாக மறந்திருக்கலாம்.

சென்னைக்கு எப்போது சென்றாலும், எனது பள்ளியைப் பார்ப்பதை வழக்கமாக வைத்துள்ளேன். சில சமயங்களில் மக்கள், கலாச்சாரம், மொழி ஆகியவற்றுடன் உண்மையான சென்னையைத் தவறவிடுகிறேன். பள்ளியில் இருந்த போது, நாங்கள் அனைவரும் தினமும் தமிழில் பேசுவோம், எனவே அந்த தொடர்பு இன்னும் இருக்கிறது... இன்னும் என்னில் அந்தத் தமிழ் இருக்கிறது,” என நெகிழ்ச்சியுடன் பேசியுள்ளார்.

அது மட்டுமல்ல ஒரு முறை மும்பையில் படப்பிடிப்பில் இருந்த போது, சாப்பாடு சரியாக இல்லை என்பதற்காக படக்குழுவினர் அனைவருக்கும் சென்னை உணவை ஆர்டர் செய்து விமானத்தில் வரவழைத்து கொடுத்ததையும் பகிர்ந்துள்ளார்.

• செய்திகள்
• ஆல்பம்
• வீடியோ
• வந்த படங்கள்
• வரவிருக்கும் படங்கள்

• 
  என் வாழ்க்கையில் திருப்புமுனையை ஏற்படுத்தியவர் ரஜினிகாந்த் ; பாலிவுட் ...
• 
  மகா காலேஸ்வரர் கோவிலில் தரிசனம் செய்த சாரா அர்ஜுன்
• 
  மும்பை திரையரங்குகளில் 300 கோடியை தாண்டிய முதல் இந்திய திரைப்படம் ...
• 
  'துரந்தர்-2 'படத்திற்கு தடைவிதிக்க : நீதிமன்றம் மறுப்பு
• 
  ரன்வீருக்கு 250 லுக், துரந்தருக்கு 10,000 உடைகள் : ஆடை வடிவமைப்பாளருக்கு நன்றி ...

• 
  'காக்கி சர்க்கஸ்' இயக்குனர் தான் என் காதலர் ; மனம் திறந்த நடிகை
• 
  ஆஷா போஸ்லே மறைவு; அரசியல் தலைவர்கள் முதல் சினிமா பிரபலங்கள் வரை இரங்கல்
• 
  என்டிஆர், நீல் படத்தில் பிரபல பாலிவுட் நடிகர்!
• 
  மாதவிடாய் பெரிய பிரச்னையாக ஆக இருக்க கூடாது! - நடிகை ஸ்ரீ லீலா
• 
  'சேயோன்' படத்தில் பாக்ய ஸ்ரீ போர்ஸ்!