Dinamalar

என்டிஆர் நூற்றாண்டு தொடக்க விழா

தெலுங்கு சினிமாவின் முதல் சூப்பர் ஸ்டார், என்டிஆர் என்கிற நந்தமூரி தாரக ராமாராவ், யாரும் நிரப்ப முடியாத ஆளுமை. இயக்குனர், தயாரிப்பாளர் மற்றும் அரசியல்வாதியாக புகழ்பெற்றவர். தெலுங்கு தேசம் கட்சி தொடங்கி ஒன்றுபட்ட ஆந்திர பிரதேசத்தின் முதல்வராக 3 முறை வெற்றி வாகை சூடியவர். பகவான் கிருஷ்ணராக நடித்து தெலுங்கு மக்கள் மத்தியில் வாழும் கிருஷ்ணராக மாறி இருந்தவர். தற்போது அவரது வாரிசுகள் தெலுங்கு சினிமாவின் முன்னணி இடத்தில் இருக்கிறார்கள்.

என்.டி.ராமராவுக்கு வருகிற 28ம் தேதி 99 வயது முடிந்து 100வது வயது தொடங்குகிறது. இதையொட்டி என்டிஆர் நூற்றாண்டு விழாவை ஆந்திரா, தெலுங்கானாவில் ஒரு ஆண்டுக்கு கொண்டாட இருக்கிறார்கள். முதல் நிகழ்ச்சியை என்டிஆரின் மகனும் 100 படங்களுக்கு மேல் நடித்த நடிகருமான என்.டி.பாலகிருஷ்ணா தொடங்கி வைக்கிறார். இந்த நிகழ்ச்சி என்டிஆர் பிறந்த நிம்மகுருவில் நடக்கிறது.

ஆந்திரா மற்றும் தெலுங்கானா அரசின் சார்பிலும் நிகழ்ச்சி நடக்கிறது. அன்றைய தினம் ஆந்திரா மற்றும் தெலுங்கானா மாநிலங்களில் உள்ள தியேட்டர்களில் என்டிஆர் நடித்த படங்களை திரையிட இருக்கிறார்கள். நூற்றாண்டு நிறைவு விழாவை பிரமாண்டமாக கொண்டாட திட்டமிட்டிருக்கிறார்கள்.

• 
  'தி பேமிலி மேன் 3' ரிலீஸ்: பதட்டமாகவும், சந்தோஷமாகவும் இருக்கு: மனோஜ் ...
• 
  நலமாக இருந்தால்தான் நல்லதைத் தர முடியும்: தீபிகா படுகோனே
• 
  பெரிய சம்பளத்தை மட்டுமே எதிர்பார்த்து நான் நடிப்பதில்லை : தீபிகா படுகோனே ...
• 
  ரன்வீர், சாரா நடித்துள்ள துரந்தர் பட டிரைலர் வெளியானது
• 
  இந்த 3 விஷயங்களும் முக்கியமானவை : தீபிகா படுகோனே

• 
  பட விளம்பர மோசடி ; பெண் உள்ளிட்ட ஐவர் மீது நடிகர் யஷ்ஷின் தாயார் போலீசில் ...
• 
  மோகன்லால் மம்முட்டி படங்களை பயன்படுத்தியதால் 2 வருட தடை விதித்தனர் ; ...
• 
  எம்புரான் விமர்சனம் : பிரித்விராஜ் கருத்து
• 
  தெலுங்கில் மகேஷ்பாபுவின் உறவினருக்கு ஜோடியாக அறிமுகமாகும் ரவீனா ...
• 
  எட்டு வருடத்திற்கு பிறகு மீண்டும் இணையும் துருவா சார்ஜா, ரச்சிதா ராம் ...