Dinamalar

காப்பி சர்ச்சையில் சிக்கிய 'பீஸ்ட்' டிரைலர்

நெல்சன் திலீப்குமார் இயக்கத்தில், அனிருத் இசையமைப்பில், விஜய், பூஜா ஹெக்டே மற்றும் பலர் நடித்துள்ள 'பீஸ்ட்' படத்தின் டிரைலர் யு டியுபில் நேற்று மாலை வெளியானது.

டிரைலர் வெளியானதிலிருந்தே அது பற்றி பரபரப்பான 'காப்பி' குற்றச்சாட்டுகளை ரசிகர்கள் சமூக வலைத்தளங்களில் வைத்து வருகிறார்கள். யோகிபாபு நடித்து வெளிவந்த 'கூர்க்கா' படத்தின் கதையை அப்படியே மீண்டும் எடுத்திருக்கிறார்கள் என்பதுதான் பரவலான குற்றச்சாட்டாக உள்ளது. நேற்று மாலை கூட டுவிட்டரில் 'கூர்க்கா 2' என்று 'பீஸ்ட்' டிரைலரை ரசிகர்கள் கிண்டலடித்தனர்.

அது மட்டுமல்ல ப்ரூஸ் வில்லிஸ் நடித்து 1988ல் வெளிவந்த ஹாலிவுட் படமான 'டை ஹார்ட்' படத்தின் அப்பட்டமான காப்பி என்றும் ஒரு சாரார் சொல்கிறார்கள். சீனத் திரைப்படமான 'ரிட்டர்ன் ஆப் ஸ்பெஷல் போர்சஸ் 5' என்ற படத்தின் சாயலும் இந்த 'பீஸ்ட்' படத்தில் உள்ளது என்கிறார்கள்.

மேலும், டிரைலரில் இடம் பெற்றிருந்த பின்னணி இசை அமெரிக்காவில் பத்து வருடங்களுக்கு முன்பு வந்த ஆல்பம் ஒன்றின் அப்பட்டமான காப்பி என்றும் இரண்டின் வீடியோக்களும் சமூக வலைத்தளங்கள், வாட்சப் ஆகியவற்றில் பரவி வருகிறது. விஜய் நடித்து வெளியாகும் படங்களின் டிரைலர்கள் இதுவரை இல்லாத அளவிற்கு இந்த முறைதான் இத்தனை சர்ச்சைகளை ஏற்படுத்தி உள்ளது.

• 
  100 கோடி ரூபாய் வீட்டிற்குக் குடிப்போகும் தீபிகா படுகோனே - ரன்வீர் சிங்
• 
  24 லட்சம் வாடகையில் புதிய அபார்ட்மென்ட்டுக்கு குடிபெயர்ந்த ஷாருக்கான்
• 
  ஜெய ஜெய ஜெய ஜெய ஹே ஹிந்தி ரீமேக்கை அமீர்கான் கைவிட்டது ஏன்? : நடிகர் புது ...
• 
  ஹிந்தி படத்தில் கரீனா கபூருக்கு ஜோடியாக இணைந்த பிரித்விராஜ்
• 
  காரில் வெடிகுண்டு வைத்து தகர்ப்போம்! சல்மான்கானுக்கு மீண்டும் கொலை ...

• 
  இந்த ஆண்டில் திரிஷா நடிப்பில் ஆறு படங்கள் ரிலீஸ்
• 
  பேட்ட படத்திற்கு பிறகு ரெட்ரோ படம் தான் : கார்த்திக் சுப்பராஜ்
• 
  சுந்தர்.சி இயக்கத்தில் கார்த்தி உறுதி
• 
  முதல் முறையாக ஜோடி சேரும் துல்கர் சல்மான், பூஜா ஹெக்டே
• 
  அஜித் வைத்த நம்பிக்கை குறித்து நெகிழ்ந்த அர்ஜுன் தாஸ்