Advertisement

சிறப்புச்செய்திகள்

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

லதா மங்கேஷ்கர் தமிழில் பாடிய பாடல்கள்

06 பிப், 2022 - 11:28 IST
எழுத்தின் அளவு:
Lata-mangeshkar-songs-in-Tamil-film

இந்தியாவின் இசைக்குயில் என அழைக்கப்பட்ட லதா மங்கேஷ்கர் உடல்நலக் குறைவால் காலமானார். 1942ம் ஆண்டு தன்னுடைய திரையுலகப் பயணத்தை ஆரம்பித்த லதா கடந்த 60 வருடங்களில் இந்திய மொழிகளில் 30 ஆயிரத்திற்கும் மேற்பட்ட பாடல்களைப் பாடியுள்ளார்.

ஹிந்தியில் பல சூப்பர் ஹிட் பாடல்களைப் பல கதாநாயகிகளுக்குப் பாடியள்ளார். தனித்துவமான அவரது குரல் சமீப கால கதாநாயகிகளுக்கும் கூட பொருத்தமாக இருந்து ரசிகர்களை ரசிக்க வைத்தது.

தமிழில் இவரது குரலில் படங்களில் இடம்பெற்று, வெளியான பாடல்களில் மூன்றே மூன்று பாடல்களை மட்டுமே பாடியுள்ளார் லதா. அந்த மூன்று பாடல்களும் இளையராஜா இசையில் அமைந்தவை. பிரபு, ராதா மற்றும் பலர் நடித்து இளையராஜா இசையமைப்பில், சிவாஜி புரொடக்ஷன்ஸ் தயாரித்து வெளிவந்த 'ஆனந்த்' படத்தில் இடம் பெற்ற 'ஆராரோ... ஆராரோ..' பாடல்தான் அவர் தமிழில் பாடிய முதல் பாடல். சிவாஜி குடும்பத்தினரும், லதா குடும்பத்தினரும் நெருக்கமானவர்கள் என்பதால் அவரை அழைத்து வந்து பாட வைத்தனர் சிவாஜி குடும்பத்தினர்.

அதற்கடுத்து 1988ல் கமல்ஹாசன், அமலா நடித்து இளையராஜா இசையில் வெளிவந்த 'சத்யா' படத்தில் 'வளையோசையில்…கலகலவென…' பாடலை எஸ்பி பாலசுப்ரமணியத்துடன் இணைந்து பாடினார். இந்தப் பாடல் மாபெரும் ஹிட்டடித்த பாடல். இன்றும் பல மேடைக் கச்சேரிகளில், டிவி நிகழ்ச்சிகளில் இப்பாடல் பாடப்பட்டு வருகிறது. லதா மங்கேஷ்கர் என்றாலே தமிழ் சினிமா இசை ரசிகர்களுக்கு இந்தப் பாடல்தான் ஞாபகம் வரும்.

மூன்றாவது மற்றும் கடைசி பாடலாக லதா தமிழில் பாடிய பாடல் இடம் பெற்ற படம் 1988ல் இளையராஜா இசையில் வெளிவந்த 'என் ஜீவன் பாடுது'. இப்படத்தில் 'எங்கிருந்தோ அழைக்கும் என் ஜீவன்' என்ற பாடலைத் தனியாகவும், மனோவுடனும் இணைந்து பாடியிருக்கிறார் லதா. இந்தப் பாடலும் சூப்பர் ஹிட்டான ஒரு பாடல்.

இவை தவிர்த்து 1991ல் இளையராஜா இசையில் கண்ணுக்கொரு வண்ணக்கிளி என்ற படத்தில் இங்கே பொன் வீணை என்ற பாடலையும், கமல்ஹாசன் நடித்த சத்யா படத்தில் இடம்பெறாத ‛இங்கேயும் அங்கேயும்' என்ற பாடலையும் பாடி உள்ளார்.

இந்த பாடல்களுக்கு முன்பே, 1952ல் வெளியான ஹிந்தி டப்பிங் படமான 'ஆண் முரட்டு அடியாள்' (ஹிந்தியில் Aan) என்ற படத்தில் நான்கு பாடல்களையும், அதற்குப் பிறகு 1956ல் வெளிவந்த ஹிந்தி டப்பிங் படமான 'வான ரதம்' (ஹிந்தியில் Uran Khatola) படத்தில் ஒரு பாடலையும் பாடியுள்ளார் லதா மங்கேஷ்கர். இவை தவிர ஹிந்தியில் இருந்து தமிழில் டப்பிங் ஆன ஒரு சில படங்களின் பாடல்களை பாடி உள்ளார்.

Advertisement
கருத்துகள் (4) கருத்தைப் பதிவு செய்ய
‛குயின் ஆப் மெலடி' - லதா மங்கேஷ்கரின் திரையிசை பயணம்‛குயின் ஆப் மெலடி' - லதா ... சமந்தாவுக்கு கீர்த்தி சுரேஷ் வேண்டுகோள் சமந்தாவுக்கு கீர்த்தி சுரேஷ் ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய

வாசகர் கருத்து (4)

07 பிப், 2022 - 08:18 Report Abuse
RAMADASS subramani on more song oh butterfly🦋 butterfly🦋 meera movies
Rate this:
Venkatesh Prabhu Balakrishnan - Yanbu Al Sinaiyah,சவுதி அரேபியா
07 பிப், 2022 - 11:54Report Abuse
Venkatesh Prabhu Balakrishnan,,,,,...
Rate this:
கல்யாணராமன் சு. - பெங்களூரு,இந்தியா
07 பிப், 2022 - 12:04Report Abuse
கல்யாணராமன் சு.அது லதா மங்கேஷ்கரின் தங்கை ஆஷா போன்ஸ்லே பாடியது .....
Rate this:
Shekar - Mumbai,இந்தியா
06 பிப், 2022 - 12:22 Report Abuse
Shekar லதா மங்கேஷ்கர், வானரதம் என்ற படத்தில் "எந்தன் கண்ணாளன் கரை நோக்கி போகிறான்" என்ற தமிழ் பாடல் மூலம் தமிழர்களுக்கு அறிமுகம் ஆனார் 1956 இல்.
Rate this:

உங்கள் கருத்தைப் பதிவு செய்ய

Login :
New to Dinamalar ?
(Press Ctrl+g   to toggle between English and Tamil)
Advertisement
Advertisement

டாப் 5 படங்கள்

  • வரவிருக்கும் படங்கள் !
    Tamil New Film Varisu
    • வாரிசு
    • நடிகர் : விஜய்
    • நடிகை : ராஷ்மிகா மந்தனா
    • இயக்குனர் :வம்சி பைடிபள்ளி
    Tamil New Film Coffee with Kadhal
    • காபி வித் காதல்
    • நடிகர் : ஜீவா ,
    • நடிகை : மாளவிகா சர்மா ,அம்ரிதா
    • இயக்குனர் :சுந்தர்.சி
    Tamil New Film Sardar
    • சர்தார்
    • நடிகர் : கார்த்தி
    • நடிகை : ராஷி கண்ணா
    • இயக்குனர் :பிஎஸ் மித்ரன்
    Tamil New Film Mayan
    • மாயன்
    • நடிகர் : வினோத் மோகன்
    • நடிகை : பிந்து மாதவி
    • இயக்குனர் :ராஜேஷ் கண்ணா
    dinamalar advertisement tariff

    Tweets @dinamalarcinema

    Advertisement
    Copyright © 2022 Dinamalar - No.1 Tamil website in the world. All rights reserved. Mail Us Your Suggestion to webmaster@dinamalar.in