Dinamalar

பிரபல சேனலின் குழந்தைகளுக்கான ரியாலிட்டி ஷோ மீது புகார்!

தமிழ் சின்னத்திரை ரசிகர்களிடையே புதுமையான நிகழ்ச்சிகளின் மூலம் ஜீ தமிழ் தொலைக்காட்சி நல்ல வரவேற்பை பெற்று வருகிறது. அந்த சேனலில், குழந்தைகளுக்கான பிரத்யேக நிகழ்ச்சியாக 'ஜூனியர் சூப்பர் ஸ்டார் சீசன் 4' நிகழ்ச்சி ஒளிபரப்பாக தொடங்கியுள்ளது. கடந்த ஜனவரி 15 ஆம் தேதி ஒளிபரப்பான அந்நிகழ்ச்சியின் எபிசோடில் இரு சிறுவர்கள் இணைந்து, வடிவேலுவின் இம்சை அரசன் பாணியில் நாட்டு நடப்பை கிண்டல் செய்து நடித்திருந்தார்கள். அது தற்கால அரசியல் சூழலோடு ஒத்துப்போகும் வகையில் அமைந்திருந்தது. இதனையடுத்து பாரதிய ஜனதா கட்சியினர், அந்நிகழ்ச்சிக்கு கண்டனம் தெரிவித்துள்ளனர்.

இந்த சம்பவம் குறித்து பாஜக கட்சி சார்பில், ஜீ தமிழ் தொலைக்காட்சிக்கு எழுதிய கடிதத்தில், 'நிகழ்ச்சியின் குறிப்பிட்ட அந்த பகுதியில் நடித்திருந்த சிறுவர்களுக்கு அந்த காட்சியின் தன்மையையோ அல்லது உண்மை நிலையையோ அறிந்து கொள்ளும் பக்குவம் கிடையாது. அவர்கள் குழந்தைகள். ஆனால், காமெடி என்ற பெயரில் குழந்தைகள் மீது அந்த கான்செப்ட் திணிக்கப்பட்டுள்ளது. அந்த காட்சி முழுவதிலுமே நடுவர்களும், தொகுப்பாளர்களும் சிறுவர்களின் செயலை ஊக்கப்படுத்தும் வகையில் நடந்து கொண்டனர். இது, அந்த சேனலை பற்றியும் தமிழ்நாடு பற்றியும் தவறான கண்ணோட்டத்தை தேசிய அளவில் உருவாக்குகிறது.

எனவே, இது தொடர்பில் உடனடியாக நடவடிக்கை எடுக்க வேண்டும். மேலும், அந்த சேனல், நிகழ்ச்சி தயாரிப்பாளர், நடுவர்கள், தொகுப்பாளர்கள் என அனைவரும் பொதுவில் மன்னிப்பு கேட்க வேண்டும்' என தெரிவிக்கப்பட்டுள்ளது.

• 
  அட்லி - அல்லு அர்ஜூன் படம் ஒரு சினிமா புரட்சி! ரன்வீர் சிங் வெளியிட்ட தகவல்
• 
  அமிதாப் பச்சனின் தீபாவளி கொண்டாட்டத்தில் மகளுடன் ஆப்சென்ட் ஆன ஐஸ்வர்யா ...
• 
  ‛பேட்டில் ஆப் கல்வான்' படப்பிடிப்பில் சல்மான்கானுக்கு மொபைல் போன் ...
• 
  காதலருடன் ஹூமா குரேஷிக்கு நிச்சயதார்த்தம் நடந்ததா?
• 
  நீதிமன்றம் கெடுபிடி : வெளிநாட்டு பயணத்தை ரத்து செய்த ஷில்பா ஷெட்டி

• 
  உழைக்கும் கரங்கள், எஜமான், கண்ணப்பா - ஞாயிறு திரைப்படங்கள்
• 
  தில்லானா மோகனாம்பாள், அவ்வை சண்முகி, ஜெயிலர் - ஞாயிறு திரைப்படங்கள்
• 
  அரச கட்டளை, தளபதி, நிலவுக்கு என்மேல் என்னடி கோபம் - ஞாயிறு திரைப்படங்கள்
• 
  அக்டோபர் 5ம் தேதி முதல் பிக்பாஸ் சீசன்- 9 ஆரம்பம்!
• 
  தவப்புதல்வன், கண்டுகொண்டேன் கண்டுகொண்டேன், ஆதிபுருஷ் - ஞாயிறு ...