Dinamalar

களை கட்டாத சினிமா பொங்கல்

2022ம் ஆண்டு ஆரம்பமே கொரானோ தாக்கத்தால் ஆரம்பமாகியதால் கொஞ்சம் களையிழந்து காணப்படுகிறது. இந்த வருடப் பொங்கல் கொண்டாட்டம். பொதுவாக பொங்கலுக்கு ஒரு காலத்தில் பத்து படங்கள் வரை கூட வெளிவந்து, பொங்கல் விடுமுறை நாட்கள் களை கட்டும். அதில் சில முன்னணி நடிகர்களின் படங்களும் இருக்கும்.

இந்த வருடப் பொங்கலுக்கு முன்னணி நடிகர்களின் படங்கள் இல்லை, சிறிய பட்ஜெட் படங்கள்தான் வெளியாகியிருக்கிறது. அதிலும் 50 சதவீத இருக்கை அனுமதி என்ற கட்டுப்பாடும் உள்ளது. இந்த பொங்கலை முன்னிட்டு, ஜனவரி 13ம் தேதி “கார்பன், என்ன சொல்லப் போகிறாய், கொம்பு வச்ச சிங்கம்டா, நாய் சேகர்” ஆகிய படங்களும் ஜனவரி 14ம் தேதி “தேள்,” படமும் வெளியாகியது. நேற்று 'பாசக்காரப்பய' என்ற ஒரு படமும் வெளியாவதாக அறிவிப்பு வெளியிட்டிருந்தார்கள். ஆனால், அந்தப் படம் எந்தத் தியேட்டரில் ஓடுகிறது என்று தேடிப் பார்த்தாலும் தகவல் கிடைக்கவில்லை.

பொங்கலை முன்னிட்டு வெளியான படங்களுக்கு ரசிகர்களிடம் பெரிய வரவேற்பில்லை என்றுதான் தகவல் வருகிறது. சில படங்களுக்கு பல ஊர்களில் ரசிகர்கள் வராத காரணத்தால் முதல் நாள், முதல் காட்சி கூட ரத்து செய்யப்பட்டிருக்கிறது. சில படங்களுக்கு 10, 20 பேர் வரை வந்தாலும் காட்சிகளை நடத்துகிறார்களாம். கொரானோ பயம் ஒரு பக்கம், முன்னணி நடிகர்களின் படங்கள் இல்லாதது ஒரு பக்கம் என இந்த வருட சினிமா பொங்கல் களையிழந்துள்ளதாக கவலைப்படுகிறார்கள் திரையுலகத்தினர்.

• 
  முதன்முதலாக குழந்தையை அறிமுகப்படுத்திய தீபிகா, ரன்வீர் சிங்
• 
  அட்லி - அல்லு அர்ஜூன் படம் ஒரு சினிமா புரட்சி! ரன்வீர் சிங் வெளியிட்ட தகவல்
• 
  அமிதாப் பச்சனின் தீபாவளி கொண்டாட்டத்தில் மகளுடன் ஆப்சென்ட் ஆன ஐஸ்வர்யா ...
• 
  ‛பேட்டில் ஆப் கல்வான்' படப்பிடிப்பில் சல்மான்கானுக்கு மொபைல் போன் ...
• 
  காதலருடன் ஹூமா குரேஷிக்கு நிச்சயதார்த்தம் நடந்ததா?

• 
  ஓடிடியில் அடுத்த வாரம் வரும் 'லோகா'
• 
  2025 படங்களில் நம்பர் 1 இடத்தைப் பிடித்த 'காந்தாரா சாப்டர் 1'
• 
  இயக்குனராக மாறிய கருணாஸ் மகன் படம் துவங்கியது : பள்ளிக்கூட பின்னணியில் ...
• 
  விஜய் கேட்ட அந்த ஒரு கேள்வியால் நடிப்பை விட்டே ஒதுங்கினேன் : நடிகை ரோஜா
• 
  ட்வின்ஸை வரவேற்க தயாராகும் ராம்சரண், உபாசனா தம்பதி