பஹத் பாசில் படத்தை ஒருபோதும் மிஸ் பண்ணாதீர்கள் : சமந்தா | போதை ஆசாமிகளின் தாக்குதலுக்கு ஆளானேன் : உறுமீன் இயக்குனர் அதிர்ச்சி தகவல் | ஏழு தோல்வி படங்களுக்குப் பிறகு ஏப்., 26ல் வெற்றியை ருசிப்பாரா திலீப் ? | சொத்து மதிப்பை வெளியிட்ட பவன் கல்யாண் | மஞ்சும்மேல் பாய்ஸ் தயாரிப்பாளர்களின் மீது வழக்கு பதிவு | ரஜினியை சந்தித்து ஆசி பெற்ற சாய் தன்ஷிகா பட ஹீரோ | ஜோதிகா, சமந்தா, ஐஸ்வர்யா ராஜேஷ் நடிக்க தயங்கிய கேரக்டரில் ஆண்ட்ரியா : கோபி நயினார் | ஹீரோயின் ஆன சஞ்சனா சிங் | நட்சத்திர ஓட்டலில் திருமணநாளை கொண்டாடிய அஜித் - ஷாலினி ஜோடி | சிவாஜியின் மகன் சாம்பாஜி வாழ்க்கை சினிமா ஆகிறது |
பஹத் பாசில் நடிப்பில் மலையாளத்தில் உருவாகி வரும் படம் மலையன் குஞ்சு. சஜிமோன் என்பவர் இயக்கும் இந்தப்படத்தை பஹத் பாசிலின் தந்தையான இயக்குனர் பாசில் தான் தயாரிக்கிறார். பஹத் பாசிலை வைத்து டேக் ஆப், மாலிக், சி யூ சூன் ஆகிய படங்களை இயக்கிய படத்தொகுப்பாளரும் இயக்குனருமான மகேஷ் நாராயணன் இந்தப்படத்திற்காக ஒளிப்பதிவாளர் அவதாரம் எடுத்துள்ளார்.
இந்தநிலையில் இந்தப்படத்திற்கு ஏ.ஆர்.ரஹ்மான் பின்னணி இசையமைக்கிறார் என்கிற தகவல் ஒன்று வெளியாகியுள்ளது. மலையாளத்தில் முதன்முதலாக மோகன்லால் நடித்த யோதா படத்திற்கு இசையமைத்த ஏ.ஆர்.ரஹ்மான், கிட்டத்தட்ட 25 வருடங்களுக்கு பிறகு மீண்டும் மலையாளத்தில் பிரித்விராஜின் ஆடுஜீவிதம் படத்திற்கு இசையமைத்து வருகிறார்.
அந்தவகையில் மலையன் குஞ்சு அவரது மலையாளத்தில் மூன்றாவது படமாக இருக்கும். இதில் ஆச்சர்யம் என்னவென்றால் தான் இயக்கிய தமிழ் படங்களுக்கு இளையராஜாவை இசையமைக்க வைத்த இயக்குனர் பாசில், தற்போது தான் தயாரிக்கும் படத்திற்கு ஏ.ஆர்.ரஹ்மானை இசையமைக்க ஒப்பந்தம் செய்திருப்பது தான்.