Dinamalar

‛வீழ்ந்தாலும் திரும்ப எழுவோம்' - வைரலாகும் அஜித்தின் வலிமை மேக்கிங் வீடியோ

நேர்கொண்ட பார்வையை தொடர்ந்து நடிகர் அஜித் - இயக்குனர் வினோத் - தயாரிப்பாளர் போனி கபூர் கூட்டணியில் உருவாகி உள்ள படம் வலிமை. ஹூயுமா குரேஷி, கார்த்திகேயா உள்ளிட்டோர் நடித்துள்ளனர். யுவன் ஷங்கர் ராஜா இசையமைத்துள்ளார். கொரோனா உள்ளிட்ட பல தடைகளை கடந்து இப்படம் வெளியீட்டிற்கு தயாராகி வருகிறது. வருகிற பொங்கலுக்கு படம் வெளியாக உள்ளது. ஏற்கனவே படத்தின் முன்னோட்ட வீடியோ, நாங்க வேற மாறி, அம்மா பாடல் ஆகியவை வெளியாகி ரசிகர்களின் வரவேற்பை பெற்றது. இந்நிலையில் இந்த படத்தின் மேக்கிங் வீடியோ ஒன்றை படக்குழு வெளியிட்டுள்ளனர்.

முழுக்க முழுக்க படத்தில் இடம்பெற்றுள்ள ஆக்ஷன் காட்சிகள் எப்படி படமாக்கப்பட்டன என்பதை விளக்கும் விதமாக இந்த வீடியோ அமைந்துள்ளது. கூடவே கொரோனாவால் படப்பிடிப்பு தடைப்பட்டது, ரசிகர்கள் வலிமை அப்டேட் கேட்டது உள்ளிட்ட விஷயங்களையும் இதில் இணைத்துள்ளனர். குறிப்பாக இந்த படத்தில் வரும் வீலிங் காட்சி ஒன்றில் அஜித் நடித்துள்ளார். அதை படமாக்கியபோது அஜித் தடுமாறி கீழே விழுந்துள்ளார். இருப்பினும் அசராத அஜித் வீழ்ந்தாலும் திரும்ப எழுவோம் என்பதை நிரூபிக்கும் விதமாக அந்த பைக் வீலிங் காட்சியை அசத்தலாக நடித்துள்ளார். வீடியோவில் இடம் பெற்ற இந்த காட்சியை பற்றி குறிப்பிட்டு அஜித்தின் அசராத முயற்சியை ரசிகர்கள் சமூகவலைதளங்களில் பாராட்டி வருகின்றனர்.

‛வலிமை' மேக்கிங் வீடியோ வெளியான சில நிமிடங்களிலேயே சமூகவலைதளங்களில் வைரலாகி டிரெண்ட் ஆகி லட்சக்கணக்கான பார்வைகளை பெற்றது.

• 
  4 வருடங்களுக்கு பிறகு வெளியானது 'பேமிலி மேன் 3'
• 
  'தி பேமிலி மேன் 3' ரிலீஸ்: பதட்டமாகவும், சந்தோஷமாகவும் இருக்கு: மனோஜ் ...
• 
  நலமாக இருந்தால்தான் நல்லதைத் தர முடியும்: தீபிகா படுகோனே
• 
  பெரிய சம்பளத்தை மட்டுமே எதிர்பார்த்து நான் நடிப்பதில்லை : தீபிகா படுகோனே ...
• 
  ரன்வீர், சாரா நடித்துள்ள துரந்தர் பட டிரைலர் வெளியானது

• 
  நெட்பிளிக்ஸ் முடிவு : அதிர்ச்சியில் தென்னிந்திய திரையுலகம்
• 
  விமலின் மகாசேனா படம் டிசம்பர் 12ல் திரைக்கு வருகிறது
• 
  பராசக்தி பட டப்பிங்கில் அதர்வா
• 
  கோவா சர்வதேச பட விழாவில் அமரன் : சிவகார்த்திகேயன் நெகிழ்ச்சி
• 
  ப்ரோ கோட் டைட்டில் விவகாரம் : நீதிமன்ற விசாரணையில் ரவி மோகனுக்கு சாதகம்