தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ? | பிரித்விராஜ் - ஏ.ஆர்.ரஹ்மான் இருவருமே உதவி செய்தார்கள் : ஆடுஜீவிதம் ரியல் நஜீப் தகவல் | ஓட்டளிக்க முடியாமல் வேதனையுடன் திரும்பிய சூரி | ஹிந்தி உரிமையில் சாதிக்கும் தெலுங்குப் படங்கள் | ஓட்டளிக்க வந்த விஜய் கையில் காயம் | பிஎம்டபிள்யூ கார் வாங்கிய டான் பட இயக்குனர் | ஸ்டார் படம் ரிலீஸ் பற்றி கவின் வெளியிட்ட தகவல் | 'அரண்மனை 4' வெளியீடு தள்ளிவைப்பு | 600க்கும் அதிகமான தியேட்டர்களில் 'கில்லி' ரீ-ரிலீஸ் | இந்தியாவில் தேர்தல் திருவிழா : ஓட்டளித்து ஜனநாயக கடமையாற்றிய தமிழ் திரைப்பிரபலங்கள்...! |
ஒரு படம் வெற்றி பெற்றால் அந்த வெற்றிப் படத்தில் பணி புரிந்தவர்கள் அவர்களது சம்பளத்தை ஏற்றிவிடுவார்கள். காலம் காலமாக இதுதான் நடந்து வருகிறது. வெங்கட் பிரபு இயக்கத்தில், சிலம்பரசன், எஸ்ஜே சூர்யா மற்றும் பலர் நடித்து கடந்த வாரம் வெளிவந்த 'மாநாடு' படம் எதிர்பார்ப்புகளை மீறி வெற்றி பெற்றுள்ளது. படத்தைப் பற்றி பலரும் பாராட்டிவிட்டார்கள்.
இந்தப் படத்தின் வெற்றியால் பத்து வருடங்களுக்குப் பிறகு மீண்டும் வெற்றிப் பாதையைத் தொட்டிருக்கிறார் சிம்பு. தற்போது 'வெந்து தணிந்தது காடு, பத்து தல' ஆகிய படங்களில் நடித்து வரும் சிம்பு இனி ஒப்பந்தமாக உள்ள புதிய படங்களில் நடிக்க சம்பளத்தை உயர்த்த திட்டமிட்டுள்ளதாகத் தகவல் வெளியாகி உள்ளது.
ஆனால், எஸ்ஜே சூர்யா ஏற்கெனவே நடிக்க ஒத்துக் கொண்ட படங்களில் கூட சம்பளத்தை உயர்த்திக் கேட்டு வருகிறாராம். 'மாநாடு' படத்தில் சூர்யாவின் நடிப்பு ரசிகர்களை வெகுவாகக் கவர்ந்துள்ளது. புதுவிதமான வில்லத்தனத்தில் சூர்யா ரசிகர்களைக் கவர்கிறார் என அவரைத் தங்கள் படங்களில் நடிக்க வைக்க பலரும் திட்டமிட்டுள்ளார்களாம்.
இயக்குனராக விஜய், அஜித் ஆகியோருக்குப் பெரிய திருப்புமுனையைக் கொடுத்த எஸ்ஜே சூர்யா, தனக்குக் கிடைத்த 'மாநாடு' திருப்புமுனையால் சம்பளத்தை உயர்த்துவதும் தவறில்லை. அதற்காக ஏற்கெனவே நடிக்க ஒத்துக கொண்ட படங்களில் உயர்த்துவது தவறு என்று கிசுகிசுக்கிறது கோலிவுட் வட்டாரம்.