Dinamalar

மீண்டும் தங்கை கதாபாத்திரம் : தயக்கமில்லாத கீர்த்தி சுரேஷ்

சிவா இயக்கத்தில், ரஜினிகாந்த் கதாநாயகனாக நடித்து கடந்த வாரம் வெளிவந்த படம் 'அண்ணாத்த'. இப்படம் சிவா இயக்கிய முந்தைய படங்களான 'வேதாளம், விஸ்வாசம்' உள்ளிட்ட சில பல படங்களின் கலவை என்பதுதான் அனைத்து ரசிகர்களின் விமர்சனமாக இருந்தது.

'அண்ணாத்த' படத்தில் ரஜினிகாந்த் தங்கையாக கீர்த்தி சுரேஷ் நடித்துள்ளார். இவர்கள் இருவரும் சம்பந்தப்பட்ட காட்சிகள் அனைத்தும் 'வேதாளம்' படத்தின் அஜித், லட்சுமி மேனன் ஆகியோரை ஞாபகப்படுத்தியதாகவே பலரும் ஒரே மாதிரி சொன்னார்கள்.

இந்நிலையில் தற்போது 'வேதாளம்' படத்தின் தெலுங்கு ரீமேக்கான 'போலா சங்கர்' படத்தில் சிரஞ்சீவி தங்கையாக கீர்த்தி சுரேஷ் நடிக்கிறார். 'அண்ணாத்த' படத்தில் தங்கையாக நடித்த பின் மீண்டும் அதே போன்றதொரு கதாபாத்திரத்தில் தெலுங்கில் எந்த ஒரு தயக்கமும் இல்லாமல் கீர்த்தி நடிக்க ஒப்புக் கொண்டது ஆச்சரியமாக உள்ளதாக டோலிட்டில் தெரிவிக்கிறார்கள்.

தெலுங்கு படத்தில் கதாநாயகியாக நடிப்பதற்கு என்ன சம்பளம் வாங்குவாரோ அதே அளவு சம்பளத்தைக் கொடுத்துத்தான் தங்கை கதாபாத்திரத்தில் நடிக்க வைக்கிறார்களாம். தெலுங்கில் 'மகாநடி' படத்தில் நடித்து தேசிய விருது வாங்கிய கீர்த்தி இம்மாதிரி ஒரே டைப்பான கதாபாத்திரங்களில் நடிப்பதைத் தவிர்ப்பதுதான் அவரது எதிர்காலத்திற்கு சிறந்தது என அக்கறை உள்ள சிலர் சொல்கிறார்கள்.'

• 
  ஒரு டஜன் வாழைப்பழம் மட்டும் சம்பளமாக பெற்றுக்கொண்டு நடித்த கோவிந்தா
• 
  அரிய நோயால் பாதிக்கப்பட்டுள்ள பூமி பட்னேகர்
• 
  தீபிகா படுகோனேவின் குரல் இனி மெட்டா ஏஐ-யில் ஒலிக்கும்
• 
  மாதவனை பழிக்குப்பழி வாங்கி விட்டேன் : அஜய் தேவ்கன் பகிர்ந்த சுவாரஸ்ய ...
• 
  'மகாபாரதம்' தொடரில் கர்ணனாக நடித்த நடிகர் பங்கஜ் தீர் காலமானார்

• 
  ‛அரசன்' புரொமோ பயராக உள்ளது : அனிருத்திற்கு சிம்பு பாராட்டு
• 
  ‛ரெட்ட தல' படத்தின் கதைக்கரு இதுதான் : இயக்குனர் தகவல்
• 
  ஹீரோ அவதாரம் எடுக்கும் தேவி ஸ்ரீ பிரசாந்த்
• 
  பெண் குற்றச்சாட்டை தொடர்ந்து உதவி இயக்குனர் மீது காவல்துறையில் புகார் ...
• 
  பாகுபலி : தி எபிக் ரன்னிங் டைம் சென்சார் சான்றிதழ் வெளியானது