விமர்சனங்களுக்கிடையில் 8 மில்லியனை நெருங்கும் அண்ணாத்த டிரைலர்

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

விமர்சனங்களுக்கிடையில் 8 மில்லியனை நெருங்கும் 'அண்ணாத்த' டிரைலர்

29 அக், 2021 - 02:16 IST

எழுத்தின் அளவு:

சிவா இயக்கத்தில், இமான் இசையமைப்பில், ரஜினிகாந்த், நயன்தாரா, கீர்த்தி சுரேஷ், குஷ்பு, மீனா மற்றும் பலர் நடிக்கும் படம் 'அண்ணாத்த'. இப்படத்தின் டிரைலர் இரண்டு தினங்களுக்கு முன்பு வெளிவந்தது. டிரைலருக்கு சமூக வலைத்தளங்களில் கடும் விமர்சனங்களும் எழுந்தது. இயக்குனர் சிவா அவருடைய இயக்கத்தில் வெளிவந்த முந்தைய படங்களான 'வேதாளம், வீரம், விஸ்வாசம்' ஆகிய படங்களின் கலவையாக இந்த 'அண்ணாத்த' படத்தைக் கொடுக்க உள்ளார் போலும் என்பதே பொதுவான கருத்தாக உள்ளது.

ஒரே மாதிரியான கதாபாத்திரங்கள், முந்தைய பாடல்களை ஞாபகப்படுத்தும் இமான் இசை, ஒளிப்பதிவு என பல அம்சங்கள் சிவா - அஜித் கூட்டணியின் படங்களையே ஞாபகப்படுத்துவதாகப் பலரும் சொல்கிறார்கள்.

இருந்தாலும் ரஜினி ரசிகர்கள் டிரைலரை ரசித்து வருகிறார்கள். யு டியூப் டிரென்டிங்கில் முதலிடத்தில் இருக்கும் தமிழ் டிரைலர் இரண்டு நாட்களுக்குள் 80 மில்லியன் பார்வைகளை நெருங்கி வருகிறது. தெலுங்கு 'பெத்தனா' டிரைலர் 3 மில்லியனை நெருங்கி வருகிறது. நவம்பர் 4ம் தேதி தமிழ், தெலுங்கில் 'அண்ணாத்த' வெளியாகிறது.

Annaatthetrailer

Rajinikanth

கருத்துகள் (0) கருத்தைப் பதிவு செய்ய

விஜய்க்கு ஜோடியாகும் பாலிவுட் நடிகை

கன்னட நடிகர் புனித் ராஜ்குமார் ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய