Dinamalar

பண மோசடி : மோகன்லால் பட இயக்குனர் கைது

கடந்த 2018ல் மோகன்லாலை வைத்து மலையாளத்தில் ஒடியன் என்கிற படத்தை இயக்கியவர் விளம்பர பட இயக்குனரான ஸ்ரீகுமார் மேனன். மிகப்பெரிய பில்டப் எல்லாம் கொடுத்து கடைசியில் அந்தப்படத்தை மிகப்பெரிய தோல்விப்படமாக தந்து, மோகன்லால் ரசிகர்களின் கண்டனங்களுக்கு ஆளானார். அதை தொடர்ந்து சுமார் ஆயிரம் கோடி பட்ஜெட்டில் மோகன்லாலை வைத்து மகாபாரத பீமன் கதையை படமாக்கும் முயற்சியில் இறங்க, பின்னர் அதுவும் கைவிடப்பட்டது.

இந்நிலையில் பண மோசடி செய்தார் என்கிற புகாரின் பேரில் நேற்று. கைது செய்யப்பட்டுள்ளார் ஸ்ரீகுமார் மேனன். இந்த தகவல் மலையாள திரையுலகில் அதிர்ச்சியை ஏற்படுத்தி உள்ளது. ஸ்ரீவல்சம் என்கிற நிதி நிறுவனத்திடம் பட தயாரிப்புக்காக ஒரு கோடி ரூபாய் கடன் வாங்கிய ஸ்ரீகுமார், அதன்பின் அந்த நிறுவனம் பலமுறை பணத்தை திருப்பி கேட்டும் பணத்தையும் திருப்பி கொடுக்கவில்லை. முறையான பதிலும் சொல்லவில்லை.

இதை தொடர்ந்து சம்பந்தப்பட்ட நிதி நிறுவனம் அளித்த புகாரின் பேரில் நேற்று பாலக்காட்டில் உள்ள அவரது இல்லத்தில் வைத்து ஸ்ரீகுமார் மேனன் கைது செய்யப்பட்டார். இதற்கு முன்னதாக அவர் விண்ணப்பித்த முன் ஜாமீன் மனுவையும் நீதிமன்றம் நிராகரித்தது குறிப்பிடத்தக்கது..

• 
  இரண்டாவது குழந்தையின் புகைப்படத்தை வெளியிட்ட சோனம் கபூர்
• 
  ராமாயணா : 700 கோடிக்கு கேட்கப்படும் ஓடிடி உரிமை?
• 
  கங்குலியின் வாழ்க்கை படம் துவங்கியது
• 
  போரினால் பாதிக்கப்பட்ட ஷாருக்கான் படப்பிடிப்பு
• 
  24 மணி நேரத்தில் 17 மில்லியன் பார்வைகளைப் பெற்ற 'ராமா' டீசர்

• 
  சரிதாவை பார்க்க சுந்தர்.சி மகளின் படப்பிடிப்பு தளத்திற்கு விசிட் அடித்த ...
• 
  மோகன்லால் 366வது படத்தின் முதல்கட்ட படப்பிடிப்பு நிறைவு
• 
  'பெத்தி' ரிலீஸ் தாமதமாகாது ; வதந்திகளுக்கு முற்றுப்புள்ளி வைத்த ...
• 
  ஜூனியர் என்டிஆரின் 'டிராகன்' படத்தில் நடிக்கவில்லை ; டொவினோ தாமஸ் ...
• 
  பாலியல் புகார் எதிரொலி ; தொழிலாளர் சம்மேளனத்தில் இருந்து இயக்குனர் ...