Dinamalar

லிங்குசாமி புதிய படத்தின் பட்ஜெட், அதிர்ச்சியில் டோலிவுட்

தமிழ் இயக்குனர் லிங்குசாமி, தெலுங்கு நடிகர் ராம் பொத்தினேனி இணையும் புதிய படத்தின் அறிவிப்பு சமீபத்தில் வெளியிடப்பட்டது. இந்தப் படத்தின் பட்ஜெட் சுமார் 75 கோடியாம். ராம் இதுவரை நடித்த படங்களைக் காட்டிலும் இந்தப் படத்தின் பட்ஜெட் அதிகம் என்பதால் டோலிவுட் வட்டாரங்களில் அதிர்ச்சியடைந்துள்ளார்களாம்.

ராம் நடித்து கடைசியாக வெளிவந்த 'ஐ ஸ்மார்ட் சங்கர், ரெட்' ஆகிய படங்கள் வெற்றிப் படங்களாக இருந்தாலும் அவருடைய அதிகபட்ச வசூல் 60 கோடி தானாம். அப்படியிருக்க படத்தின் பட்ஜெட்டே 75 கோடி என்றால் வசூல் அதற்கு மேல் வர வேண்டும். மேலும், ராம் பற்றி தமிழ் சினிமா ரசிகர்களுக்கு அதிகம் தெரியாது. அவருக்கு இந்தப் படம் தமிழில் அறிமுகப்படம்தான். எனவே, இவ்வளவு பட்ஜெட் என்பது ரிஸ்க் என்கிறார்கள் டோலிவுட்டில்.

ஆனால், படத்தின் கதை மிரட்டலாக உள்ளது. அதற்கு அவ்வளவு பட்ஜெட் தேவைப்படுகிறது என்கிறதாம் படக்குழு. மேலும் இப்படத்தின் கதையைக் கேட்ட 'உப்பெனா' நாயகி உடனடியாக நடிக்க சம்மதம் சொல்லிவிட்டதாகவும் ஒரு தகவல்.

தமிழில் அடுத்தடுத்து 'அஞ்சான், சண்டக்கோழி 2' என தோல்விகளைக் கொடுத்த லிங்குசாமிக்கு இந்தப் படம் திருப்புமுனையாக இருக்கும் எனவும் படக்குழு நம்புகிறதாம்.

• 
  லகான் கிராம மக்களுடன் அமர்ந்து ‛சிதாரே ஜமீன் பர்' படத்தை பார்த்த ...
• 
  முதல் தேசிய விருது : அட்லிக்கு நன்றி தெரிவித்த ஷாருக்கான்
• 
  மீண்டும் விசாரணைக்கு வருகிறது மான்வேட்டை வழக்கு
• 
  ஆலியா பட், ரன்பீர் வசிக்கப் போகும் 250 கோடி புதிய பங்களா
• 
  யு டியூப் ரிலீஸ் : அமீர்கான் வழியை மற்றவர்கள் பின்பற்றுவார்களா ?

• 
  மகேஷ்பாபுவின் 50வது பிறந்தநாளில் அடுத்த வாரிசுக்கு விழா எடுக்கும் ...
• 
  ஜூன் ஜூலையில் பள்ளிகள் வேண்டாம் ; மலையாள இயக்குனர்கள் அரசுக்கு கோரிக்கை
• 
  மோகன்லாலும் மம்முட்டியும் கண்டுகொள்ளவில்லை ; பன்னீர் புஷ்பங்கள் சாந்தி ...
• 
  ஆகஸ்ட் 3 முதல் மலையாள பிக்பாஸ் சீசன்-7 துவக்கம்
• 
  போட்டியின்றி இணைச் செயலாளராக தேர்வான் ‛திரிஷ்யம்' நடிகை