Dinamalar

மீண்டும் துடிப்புடன் படப்பிடிப்புக்கு தயாரான மம்முட்டி

மலையாள திரையுலகில் மெகா ஸ்டார் என ரசிகர்களால் அழைக்கப்படும் மம்முட்டி தற்போதும் இளம் ஹீரோக்களைப் போல வருடத்திற்கு ஐந்து படங்களுக்கு குறையாமல் நடித்து வருகிறார். கிட்டத்தட்ட 72 வயதில் இளைஞரை போல் சுறுசுறுப்பாக வலம் வந்த மம்முட்டி, கடந்த சில நாட்களாக படப்பிடிப்புகளில் கலந்து கொள்ளாமல் ஓய்வெடுத்து வந்தார். ஏற்கனவே ஒரு முறை அவருக்கு கேன்சர் பாதிப்பு இருக்கிறது என்ற செய்தி பரவியது போல இந்த முறையும் அவரது உடல் நலம் பற்றி பல செய்திகள் சோசியல் மீடியாவில் வெளியாகின.

ஆனால் அவரது நண்பரும் ராஜ்யசபா எம்பியுமான ஜான் பிரிட்டாஸ் என்பவர் மம்முட்டிக்கு வழக்கமாக வயதானதால் ஏற்படும் சிறிய உடல் நலக்குறைவு தான் என்றும் அதனால் மருத்துவ சிகிச்சை எடுத்துக்கொண்டு வீட்டில் ஓய்வு பெற்று வருகிறார் என்றும் ஒரு தகவலை பகிர்ந்து கொண்டிருந்தார். இந்த நிலையில் மம்முட்டி தற்போது உடல் நலம் தேறி மீண்டும் மிடுக்குடன் சுறுசுறுப்பாக படப்பிடிப்புக்கு கிளம்புவதற்கு தயாராகிவிட்டார்.

அதை உறுதிப்படுத்தும் விதமாக அவர் சோபாவில் அமர்ந்து தனது மொபைல் போன் ஒன்றை தீவிரமாக பார்ப்பது போன்று ஒரு புகைப்படம் சோசியல் மீடியாவில் வெளியாகியுள்ளது. எப்போதெல்லாம் அவருக்கு உடல்நிலை சரியில்லை என்று செய்தி வருகிறதோ அதன்பிறகு சில நாட்களிலேயே இப்படி ஒரு புகைப்படத்தை வெளியிட்டு ஐ அம் பேக் என்பதை சொல்லாமல் சொல்லி வருகிறார் மம்முட்டி. கடந்த சில நாட்களுக்கு முன்பு அவர் நடித்து வந்த 'களம்காவல்' படத்தில் படப்பிடிப்பில் மீண்டும் கலந்து கொண்டு நடிக்க இருக்கிறார் மம்முட்டி.

• செய்திகள்
• வந்த படங்கள்

• 
  கேரளாவை தொடர்ந்து ஹிந்தியிலும் சென்சார் போர்டு சிக்கலில் ஜானகி டைட்டில்
• 
  காதலில் கரைபவர் வெகு சிலரே : தனுஷின் ‛தேரே இஷ்க் மே' டீசர் வெளியீடு
• 
  அக்டோபர் 9ம் தேதி ஓடிடியில் வெளியாகும் வார்-2!
• 
  பாலிவுட்டில் அறிமுகமாகும் மீனாட்சி சவுத்ரி
• 
  ஹிந்தி பிக்பாஸ் சீசன் 19 நிகழ்ச்சியின் மீது 2 கோடி நஷ்ட ஈடு கேட்டு வழக்கு

• 
  நெல் விவசாயத்தில் இறங்கிய நயன்தாரா பட இயக்குனர்
• 
  தெலுங்கில் முதல் முறையாக நுழைந்த அக்ஷய் கன்னா ; சுக்ராச்சாரியார் ...
• 
  கன்னட நடிகர் தர்ஷனுக்கு தனிமை சிறை ஏன்? நீதிமன்றத்தில் மனு தாக்கல்
• 
  'திரிஷ்யம் 3' ; ஜீத்து ஜோசப் வெளியிட்ட முதல் புகைப்படம்
• 
  ஒரே படத்தில் 3 ஹீரோயின்கள்