Dinamalar

புலி முருகனுக்கு வாங்கிய வங்கிக்கடனை அடைக்கவில்லையா ? ; தயாரிப்பாளர் பதிலடி

மலையாள சினிமாவில் கடந்த 2016ம் வருடம் வெளியான 'புலி முருகன்' திரைப்படம் மிகப்பெரிய கமர்சியல் வெற்றியை பெற்றதுடன் மலையாளத்தில் முதன்முறையாக 100 கோடிக்கு மேல் வசூலித்த முதல் படம் என்கிற பெயரையும் பெற்றது. மலையாள சினிமாவின் வியாபார எல்லையையும் விஸ்தரித்தது. மோகன்லால் அதுவரை தான் ஏற்று நடித்திராத ஒரு கதாபாத்திரத்தில் நடித்து ரசிகர்களை பிரமிக்க வைத்தார். படம் மிகப்பெரிய லாபத்தை தயாரிப்பாளருக்கு கொடுத்தது.

இந்த நிலையில் கேரளாவை சேர்ந்த ஓய்வு பெற்ற டிஜிபி ஆன டோமின் தங்கச்சேரி என்பவர் புலி முருகன் படத்திற்காக வங்கியில் வாங்கிய 2 கோடி ரூபாய் கடன் பாக்கியை கூட இன்னும் அடைக்காமல் இருக்கிறார்கள் என்று சமீபத்தில் ஒரு பேட்டியில் கூறியிருந்தார். இப்படி திடீரென அவர் புலி முருகன் படத்தை பற்றியும் அதன் வங்கிக் கடனை பற்றியும் கூறுவதற்கு காரணம் அந்த படம் வெளியான சமயத்தில் அவர் கேரள பொருளாதார கழகத்தின் மேனேஜிங் டைரக்டராக பொறுப்பில் இருந்தார். அந்த சமயத்தில் தான் புலி முருகன் படத்திற்காக கடன் வாங்கப்பட்டது. ஆனால் அவர் கூறியுள்ளது முற்றிலும் உண்மைக்கு புறம்பான விஷயம் என படத்தின் தயாரிப்பாளர் தோமிச்சன் முலகுப்பாடம் தனது சோசியல் மீடியா பக்கத்தின் மூலமாக பதிலடி கொடுத்துள்ளார்.

இது குறித்து அவர் கூறும்போது, “புலி முருகன் படம் திட்டமிட்ட நாட்களை விட அதிக நாட்கள் படப்பிடிப்பு நடைபெற்றது. அதேபோல அதற்காக ஒதுக்கிய பட்ஜெட்டை விட அதிக செலவும் எடுத்தது. அந்த சமயத்தில் வங்கியில் கடன் வாங்கியது உண்மைதான். ஆனால் படம் வெளியான பிறகு கிட்டத்தட்ட மூன்று வாரங்களிலேயே 100 கோடி வசூலை தொட்டது. படத்திற்காக போட்ட முதலீட்டை விட பல மடங்கு லாபம் கொடுத்தது. இந்த படத்திற்காக வரியாகவே நான் மூன்று கோடி ரூபாய் கட்டி உள்ளேன். அப்படி இருக்கையில் அந்த இரண்டு கோடி ரூபாய் வங்கி கடனை கட்டவில்லை என்று சிலர் கூறி இருப்பது உண்மைக்கு மாறான விஷயம். எதற்காக அவர் இப்படி கூறியுள்ளார் என்று தெரியவில்லை” என குறிப்பிட்டுள்ளார்.

• 
  சிறையில் இருக்கும் நடிகை ரன்யா ராவின் வளர்ப்பு தந்தைக்கு மீண்டும் ...
• 
  அவுட்டோர்களுக்கும் தலையணையுடன் பயணிக்கும் ஜான்வி கபூர்
• 
  ‛தி இன்டர்ன்' பட ரீமேக்கில் இருந்து விலகிய தீபிகா படுகோனே
• 
  காதல் கிசுகிசு எதிரொலி: கிரிக்கெட் வீரர் முகமது சிராஜிக்கு ராக்கி கட்டிய ...
• 
  ஜனநாயகன் படப்பிடிப்பு தளத்துக்கு திரண்ட ரசிகர்கள் : பாபி தியோல் ஆச்சரிய ...

• 
  தலைமைக்கு போட்டியிடும் பெண் தயாரிப்பாளரின் வேட்பு மனு குறித்து முன்னாள் ...
• 
  இரண்டாவது வாரத்தில் தெலுங்கு திரையுலக ஊழியர்கள் ஸ்டிரைக்
• 
  உடல் மெலிந்து உருமாறிய தோற்றத்தில் அதிர்ச்சி அளித்த பிரபல குணச்சித்திர ...
• 
  மம்முட்டியை பற்றி தவறாக எதுவும் சொல்லவில்லை : பெண் தயாரிப்பாளர் விளக்கம்
• 
  நடிகர் விஷ்ணுவர்தனின் நினைவிடம் இடிப்பு : சுதீப், ரிஷப் ஷெட்டி வருத்தம்