Dinamalar

பெங்களூர் டேஸ் பைக் ரேஸ் காட்சி : அஞ்சலி மேனன் வெளியிட்ட சுவாரஸ்ய தகவல்

கடந்த 2014ல் மலையாளத்தில் துல்கர் சல்மான், பஹத் பாசில், நிவின் பாலி, நஸ்ரியா, பார்வதி என மிகப்பெரிய நட்சத்திர பட்டாளமே நடித்து வெளியாகி வெற்றியை பெற்ற படம் பெங்களூர் டேஸ். அஞ்சலி மேனன் இந்தப்படத்தை இயக்கினார். இந்த படம் பின்னர் தமிழிலும் ரீமேக் செய்யப்பட்டது. இதில் துல்கர் சல்மான் ஒரு பைக் ரேஸராக நடித்திருந்தார். படத்தின் கிளைமாக்ஸ் காட்சியிலும் துல்கர் பங்குபெறும் ஒரு பைக் ரேஸ் காட்சி இடம் பெற்றிருந்தது. படத்தில் இந்த காட்சி மிகவும் விறுவிறுப்பாக காட்டப்பட்டிருந்தது.

இந்தப்படம் வெளியாகி 10 வருடம் ஆகும் நிலையில் சமீபத்திய பேட்டி ஒன்றில் இந்த பைக் ரேஸ் காட்சி எடுக்கப்பட்ட விதம் குறித்த சுவாரஸ்ய தகவல் ஒன்றை பகிர்ந்து கொண்டுள்ளார் இயக்குனர் அஞ்சலி மேனன்.

இதுகுறித்து அவர் கூறும்போது, “புனேயில் நடைபெறும் இந்த சகதி பைக் ரேஸ் காட்சி போன்று கேரளாவில் செட் போட்டு எடுப்பதற்கு எங்களுக்கு பட்ஜெட் ஒத்துழைக்கவில்லை. அதனால் நாங்கள் நேரடியாக புனே சென்று பைக் ரேஸ் காட்சிகளை படமாக்க அனுமதி கேட்டோம். குறிப்பாக அப்போதைய நேஷனல் சாம்பியன் ஆக இருந்த கேபி அரவிந்த் என்பவரிடமும் இது குறித்து பேசினோம். ஆரம்பத்தில் அவர் ஒப்புக்கொண்டார். அன்றைய தினம் அவர் இரண்டு பந்தயங்களில் கலந்து கொள்ள வேண்டி இருந்தது. முதல் பந்தயத்தில் அவர் தோற்றுவிட்டார்.

அந்த சமயத்தில் அடுத்த பைக் ரேஸ் காட்சிகளை படமாக்க முயற்சித்த எங்களது ஒளிப்பதிவாளர் உள்ளிட்ட குழுவினரை வெளியேறுமாறு நிர்வாகிகள் வலியுறுத்தினார்கள். அதன்பிறகு நடைபெற்ற இரண்டாவது ரேஸில் கேபி அரவிந்த் வெற்றி பெற்றார். அந்த உற்சாகத்தில், அவர் தான் வென்ற மற்றும் தோற்ற இரண்டு பந்தயங்களின் வீடியோ காட்சிகளையும் எங்களிடம் கொடுத்து அதை பயன்படுத்திக் கொள்ளுமாறு கூறினார். அதன்பிறகு எங்களது கலை இயக்குனர்களை வைத்து துல்கர் சல்மான் பைக் ஓட்டுவது போன்று தத்ரூபமாக சில காட்சிகளை வடிவமைத்து நிஜமான பந்தய காட்சிகளுடன் இணைத்து விட்டோம்” என்று கூறியுள்ளார்.

• 
  பதட்டத்துடன் சிக்கந்தர் படப்பிடிப்பை நடத்திய ஏ.ஆர். முருகதாஸ்
• 
  என் சகோதரி நல்லா நடித்திருக்கிறாரா? - பிரித்விராஜிடம் விசாரித்த ...
• 
  நடிகை ரகுல் ப்ரீத் சிங் கணவரின் வீட்டில் குடியேறும் ஷாருக்கான்!
• 
  சித்தார்த் - கியாரா திருமணத்தால் பல நாட்கள் அழுதேன் ; கிச்சா சுதீப் மகள் ...
• 
  சல்மான்கான் குடும்பத்தினருடன் 'சிக்கந்தர்' படம் பார்த்த ஏ.ஆர் ...

• 
  'மிராஜ்' படப்பிடிப்பை நிறைவு செய்தார் ஜீத்து ஜோசப்
• 
  ஹேமா கமிஷன் அறிக்கை : கேரள உயர் நீதிமன்றம் புதிய உத்தரவு
• 
  ஆஸ்தான மலையாள எழுத்தாளரின் மறைவுக்கு ராஜமவுலி இரங்கல்
• 
  ப்ரோ டாடிக்காக முதலில் அணுகியது மம்முட்டியை தான் : பிரித்விராஜ் புது ...
• 
  நடிகர் விஸ்வக் சென் வீட்டில் வைர நகை மற்றும் 2 லட்சம் ரூபாய் திருட்டு