ரூ.60 கோடிக்கு பங்களா வாங்கிய அஜய் தேவ்கன்

நீங்கள் இங்கே இருக்கிறீர்கள்: முகப்பு » பாலிவுட் செய்திகள் »

01 ஜூன், 2021 - 11:47 IST

எழுத்தின் அளவு:

ஹிந்தித் திரையுலகின் முன்னணி நடிகர்களில் ஒருவரான அஜய் தேவ்கன் ரூ.60 கோடிக்கு பங்களா வாங்கிய செய்தி தான் பாலிவுட்டில் கடந்த இரண்டு நாட்களாக பரபரப்பாகப் பேசப்பட்டு வருகிறது.

மும்பையின் காஸ்ட்லி பகுதியான ஜுஹு-வில் ஒரு பழைய பங்களாவை 60 கோடி ரூபாய் கொடுத்து அஜய் தேவ்கன் வாங்கியுள்ளார். கடந்த வருடக் கடைசியிலேயே அதற்கான ஒப்பந்தம் கையெழுத்தாகி உள்ளதாகத் தெரிகிறது.

மார்க்கெட் மதிப்பின்படி சுமார் 70 கோடி ரூபாய் வரை அந்த பங்களாவின் மதிப்பாம். ஆனால், கொரோனா காலமென்பதால் பத்து கோடி வரை குறைத்து அஜய் வாங்கியுள்ளதாகச் சொல்கிறார்கள். தற்போது அந்த பங்களாவில் சில மாற்றங்களைச் செய்யும் பணி நடந்து வருகிறதாம். அது முடிந்ததும் அங்கு அஜய் தேவ்கன் குடியேற உள்ளாராம்.

அந்தப் பகுதியி ல்தான் பாலிவுட் பிரபலங்களான அமிதாப்பச்சன், அக்ஷய்குமார், தர்மேந்திரா, ஹிருத்திக் ரோஷன் ஆகியோர் ஏற்கெனவே வசித்து வருகிறார்கள்.

2008ம் ஆண்டிலேயே தனது சொந்தத் தேவைகளுக்காக தனி விமானம் ஒன்றை வாங்கியவர் அஜய். விலை உயர்ந்த சில கார்கள், தனி கேரவன், லண்டனில் சொகுசு பங்களா என அஜய் வாங்கி வைத்திருப்பவற்றைப் பார்த்து பாலிவுட்டில் சிலருக்குப் பொறாமை உண்டு.

அஜய் தேவ்கன் மனைவி கஜோல், மகள் நிசா, மகன் யுக் ஆகியோருடன் வசித்து வருகிறார்.

Ajaydevgan

actressKajol

கருத்துகள் (0) கருத்தைப் பதிவு செய்ய

தனிமைப்படுத்துதல் சவாலானது - கங்கனா ...

அக்சய் குமார் படத்திற்கு கர்ணி சேனா ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய