Dinamalar

ராதே - விமர்சகர் மீது வழக்கு தொடர்ந்த சல்மான்கான்

பிரபுதேவா இயக்கத்தில் சல்மான்கான், திஷா பதானி மற்றும் பலர் நடித்த 'ராதே' படம் ரம்ஜானை முன்னிட்டு டிஜிட்டல் தளங்களில் நேரடியாக வெளிவந்தது. படம் பற்றி மோசமான விமர்சனங்கள் தான் அதிகமாக வந்தது.

அப்படி ஒரு மோசமான விமர்சனத்தை பிரபல ஹிந்திப்பட விமர்சகரான கமால் கான் என்பவர் வெளியிட்டிருந்தார். ஹிந்தி நடிகர்கள், நடிகைகளை தனிப்பட்ட முறையில் விமர்சிப்பவர் என்று அடிக்கடி சர்ச்சைகளில் சிக்குபவர் தான் இந்த கமால் கான்.

'ராதே' விமர்சனத்திற்காக தற்போது அவர் மீது மும்பை கோர்ட்டில் அவதூறு வழக்கு தொடர்ந்திருக்கிறார் சல்மான் கான். அது பற்றிய வக்கீல் நோட்டீசை வெளியிட்ட கமால் கான், “எனது பாலோயர்களுக்காக நான் விமர்சனம் செய்கிறேன். நான் படங்களுக்கு விமர்சனம் செய்வதை நிறுவத்துவதற்குப் பதிலாக நீங்கள் நல்ல படங்களை எடுக்கலாம் சல்மான் கான்,” என நேற்று டுவீட் செய்திருந்தார் கமால் கான்.

ஆனால், இன்று காலை வெளியிட்டுள்ள டுவீட்களில், “டியர் சலீம்கான் சாப், நான் சல்மான் கானின் படங்களையோ வாழ்க்கையையோ அழிக்க இங்கு இல்லை. நான் ஒரு கேளிக்கைக்காக விமர்சனம் செய்கிறேன். என் விமர்சனத்தால் சல்மான் பாதிக்கப்பட்டிருந்தால் இனி நான் விமர்சனம் செய்யவில்லை. அவர் தனது படத்தை விமர்சிக்க வேண்டாம் எனக் கேட்டிருந்தால் நான் விமர்சனம் செய்திருக்க மாட்டேன்.

அப்படி சொல்லியிருந்தால் அவர் படத்தை நான் விமர்சனம் செய்யாமலிருக்க இப்படி வழக்கு தொடர்ந்திருக்கத் தேவையில்லை. சலீம் சார், நான் யாரையும் புண்படுத்த இங்கில்லை. எதிர்காலத்தில் நான் அவர் படங்களை விமர்சனம் செய்யவில்லை. அதனால் வழக்கு தொடர்வதை நிறுத்தச் சொல்லுங்கள். நீங்கள் விரும்பினால் விமர்சன வீடியோவையும் நீக்கி விடுகிறேன்,” என சல்மான் கானின் அப்பா சலீம் கானுக்கு டுவீட் செய்து பதிவிட்டுள்ளார்.

• 
  ஷாருக்கானை தொடர்ந்து சல்மான்கானுக்கு ஜோடியாகும் நயன்தாரா
• 
  ஹன்சிகா - சோஹைல் விவாகரத்து: 4 ஆண்டுகளில் முடிவுக்கு வந்த திருமண வாழ்க்கை
• 
  லாபத்தில் பங்காக சம்பளம் : ராதிகா பெருமிதம்
• 
  விஜயும் யோசித்திருப்பார்.. திரிஷாவுக்கு வாழ்த்துகள்..: பார்த்திபன் 2வது ...
• 
  மேக்கப் போடுவதில் எனக்கு ஆர்வம் கிடையாது : சாரா அர்ஜுன்

• 
  ரிலீஸாகி எட்டு மாதங்களுக்குப் பிறகு ஓடிடியில் வெளியாகும் சித்தாரே ஜமீன் ...
• 
  துரந்தர் படம் பாகிஸ்தான் ரசிகர்களுக்கும் பிடிக்கும் : ஆதித்யா தர்
• 
  300 மில்லியன் பார்வைகளைக் கடந்த 'துரந்தர் 2' டிரைலர்
• 
  சன்னி தியோலின் லாகூர் 1947 பட டைட்டில் மாற்றம் ?
• 
  துரந்தர் 2 தெலுங்கு பதிப்பில் இடம் பெறும் ஹிந்தி பாடல்கள்