Dinamalar

ராதே - ஓடிடியில் பார்க்க எவ்வளவு கட்டணம் தெரியுமா ?

பிரபுதேவா இயக்கத்தில் சல்மான் கான், திஷா பதானி மற்றும் பலர் நடிக்கும் படம் 'ராதே'. இப்படத்தை ஒரே சமயத்தில் தியேட்டர்களிலும், டிஜிட்டல் தளங்களிலும் மே 13ம் தேதியன்று வெளியிடுகிறார்கள். படத்தின் டிரைலர் இன்று யு டியுப் தளத்தில் வெளியிடப்பட்டது.

தமிழில் விஜய் சேதுபதி, ஐஸ்வர்யா ராஜேஷ் நடித்த 'க.பெ.ரணசிங்கம்' படத்தை டிஜிட்டல் தளத்தில் நேரடியாக வெளியிட்ட போது அதற்காக 199 ரூபாயை கட்டணமாக வசூலித்தார்கள். அதே சமயத்தில் வெளியான 'காலி பீலி' என்ற ஹிந்திப் படத்திற்கு 299 ரூபாயை கட்டணமாக வசூலித்தார்கள்.

தற்போது 'ராதே' படத்திற்கும் அதே 299 ரூபாயை ஒரு முறை பார்ப்பதற்கான கட்டணமாக வசூலிக்க உள்ளார்கள்.

கொரோனா காரணமாக மகாராஷ்டிராவில் ஊரடங்கு விதிக்கப்பட்டு தியேட்டர்களும் மூடப்பட்டுள்ளன. தியேட்டர்களை மீண்டும் எப்போது திறப்பார்கள் என்று தெரியாத நிலையில் தான் 'ராதே' படத்தை ஒரே சமயத்தில் தியேட்டர்களிலும், ஓடிடி தளங்களிலும் வெளியிடுவதாக பாலிவுட் வட்டாரங்கள் தெரிவிக்கின்றன.

இதற்கு முன்பு ஓடிடி தளத்தில் வெளியான பெரிய படமான அக்ஷய்குமார் நடித்த 'லட்சுமி' படம் பெரிய வரவேற்பைப் பெறவில்லை. தற்போது பாலிவுட்டின் வசூல் நாயகனாக சல்மான்கான் நடித்துள்ள 'ராதே' படம் எப்படியான வரவேற்பைப் பெறும் என்பதைப் பொருத்திருந்து தான் பார்க்க வேண்டும்.

• 
  லோகேஷ் கனகராஜ் இயக்கும் ‛கைதி -2' படத்தில் நடிக்கவில்லை! -அனுஷ்கா மறுப்பு
• 
  திரில்லர் கதையை படமாக்கும் பிரேம்குமார்! பிரதீப் ரங்கநாதன் நடிக்கிறார்!!
• 
  கமலின் 237வது படம் டிராப் ஆகிவிட்டதா?
• 
  சண்முக பாண்டியன் நடித்துள்ள ‛படை தலைவன்' படத்தின் இரண்டு நாள் வசூல் ...
• 
  ஸ்ரீ லீலாவுக்கு பிறந்தநாள் வாழ்த்து தெரிவித்து சுதா கொங்கரா வெளியிட்ட ...

• 
  தேனீ வாயில் புகுந்ததால் கரிஷ்மா முன்னாள் கணவர் மரணம்?
• 
  இரண்டு மனைவிகளுடன் விவகாரத்து : வெளிப்படையாகப் பேசிய அமீர்கான்
• 
  கரிஷ்மா கபூர் முன்னாள் கணவர் திடீர் மரணம்
• 
  'பெங்கால் பைல்ஸ்' என டைட்டில் மாற்றப்பட்ட 'டெல்லி பைல்ஸ்'
• 
  தந்தையின் 70வது பிறந்தநாளில் 75 பாட்மின்டன் பயிற்சி மையங்களை துவங்கிய ...