Dinamalar

டிஜிட்டல் தரத்தில் 'உம்ராவ் ஜான்' - நாளை ரீரிலீஸ்

முசாபர் அலி இயக்கத்தில், ரேகா முதன்மைக் கதாபாத்திரத்தில் நடித்து 1981ம் ஆண்டு வெளிவந்த ஹிந்தித் திரைப்படம் 'உம்ராவ் ஜான்'. அந்தக் காலத்தில் இந்தப் படம் பெரும் வரவேற்பைப் பெற்ற ஒரு படமாக அமைந்தது. அந்த ஆண்டிற்கான தேசிய திரைப்பட விருதுகளில் ரேகாவுக்கு சிறந்த நடிகைக்கான விருதும் கிடைத்தது. மேலும், சிறந்த இசைக்காக முகம்மது ஜாகுர்கய்யம், , சிறந்த பின்னணிப் பாடகிக்காக ஆஷா போன்ஸ்லே, சிறந்த கலை இயக்கத்திற்காக மன்சூர் ஆகியோரும் தேசிய விருதுகளை வென்றார்கள்.

அந்தத் திரைப்படத்தை இந்தியத் திரைப்பட ஆவணக் காப்பகம், மத்திய தகவல் ஒலிபரப்பு அமைச்சக நிவாரணத்தைப் பெற்று, தற்போது 4 கே தரத்திற்கு இப்படத்தின் தரத்தை உயர்த்தியுள்ளது. 35 எம்எம் பிரிண்ட்டை வைத்து அதற்கு டிஜிட்டல் தொழில்நுட்பத்தில் உயிர் கொடுத்துள்ளார்கள்.

நாளை ஜுன் 27ம் தேதி தியேட்டர்களில் வெளியாக உள்ள இத் திரைப்படத்தின் பிரிமியர் காட்சியை மும்பையில் நடத்த உள்ளார்கள். அதில் நடிகை ரேகா கலந்து கொள்ள உள்ளார். மேலும், பாலிவுட்டின் இன்றைய முன்னணி நட்சத்திரங்கள் சிலரும் கலந்து கொள்வார்கள் என்று எதிர்பார்க்கப்படுகிறது.

• 
  'அறம்' தயாரிப்பாளர் ராஜேஷ் நாயகனாக நடித்த 'அங்கீகாரம்' டிரைலர் ...
• 
  என்னை யாரும் கண்டுகிடலை.. நொறுங்கிய என் ஈகோ: பெங்களூருவில் ரஜினிகாந்த் ...
• 
  6 மொழிகளில் தயாராகும் சிலந்தி 2ம் பாகம்
• 
  தயாரிப்பு நிறுவனத்தின் பெயரில் மோசடி: சிவகார்த்திகேயன் எச்சரிக்கை
• 
  தமிழில் மீண்டும் ஒரு ஜோம்பி படம்

• 
  'திரிஷ்யம் 3' ஹிந்தியில் வேறு மாதிரி இருக்கும் ; இயக்குனர் அபிஷேக் பதக்
• 
  மே 14ல் நெட்பிளிக்சில் வெளியாகும் 'துரந்தர்-2'
• 
  ‛கிருஷ்ணாவதாரம்' படத்திற்கு உ.பி.,யில் வரிவிலக்கு அளித்த முதல்வர் யோகி ...
• 
  'கடார் 3' உறுதி ; அமிஷா பட்டேல் வெளியிட்ட தகவல்
• 
  மூன்றாம் பாலினத்தவர்கள் கடவுளின் குழந்தைகள்: ஆசிம் கெதர்பால்