Dinamalar

எப்போதுமே டிவி சீரியல்களில் நடிக்க மாட்டேன்: நடிகை சுமன் ராணா திட்டவட்டம்

'மிராக்கிள், பயோபிக் ஆப் பிலிம் இன்டஸ்ட்ரி' ஆகிய படங்களில் நடித்தவர் சுமன் ராணா. தற்போது 'லெட்ஸ் மீட்' எனும் படத்தில் நடித்து முடித்துள்ளார். இப்படத்தில் சுமன் ராணாவுக்கு ஜோடியாக தனுஜ் விர்வானி நாயகனாக நடித்துள்ளார். இந்தகால சமூக ஊடக காதல் கதையாக உருவாகியுள்ள இப்படம் வரும் பிப்ரவரி 7ம் தேதி வெளியாகிறது.

இப்படம் தொடர்பான புரமோஷன் நிகழ்ச்சியில் பங்கேற்ற சுமன் ராணா, தனது கதாபாத்திரம் குறித்து கூறுகையில், ''படத்தில் கார்ப்பரேட் உலகில் பணியாற்றும் ரியா என்னும் கதாபாத்திரத்தில் நடித்துள்ளேன். காலையில் வேலைக்கு செல்வது, மாலையில் வீடு திரும்புவது என சுவாரஸ்யமில்லாத வாழ்க்கையில் இருக்கும் ரியா, தன் தோழிகளின் அறிவுரையின் பேரில், நிகில் (தனுஜ் விர்வானி) என்பவரிடம் பேசி பழகுகிறார். இருவரும் காதலிக்கிறார்கள். அதன்பின் என்ன நடக்கிறது என்பதே இதன் கதை'' என்றார்.

டாக்டருக்கு படித்துவிட்டு நடிகையாக மாறியுள்ள சுமன் ராணா, நடிப்பு தொழிலை தேர்ந்தெடுத்தது குறித்து கூறும்போது, ''காஷ்மீரை சேர்ந்த நான், அங்கு பலர் இறப்பதை பார்த்து சிறு வயதில், டாக்டராக வரவேண்டும் என நினைத்தேன். அப்போதுதான் முடிந்தவரை மக்களை காப்பாற்ற முடியும் என நினைத்து படித்து டாக்டரானேன். பிறகு வாழ்க்கை என்னை இங்கு (சினிமாவுக்கு) கொண்டு வந்துள்ளது. தற்போது நடிகையாக இருக்கும் நான், எதிர்காலத்தில் பேச்சாளராகலாம், யாராலும் முன்கூட்டியே சொல்ல முடியாது'' என்றார்.

மேலும் அவர் கூறுகையில், ''இனிவரும் காலங்களில் தொடர்ந்து படங்கள் மற்றும் வெப் தொடர்களில் நடிக்க விரும்புகிறேன். நல்ல கதாபாத்திரம் கிடைக்கும்போதெல்லாம் அதில் நடிப்பேன். ஆனால், டிவி சீரியல்களில் எப்போதும் நடிக்க மாட்டேன். ஏனெனில், சீரியல்களில் நடித்தால் காலை முதல் மாலை வரை தொடர்ந்து நடிக்க வேண்டும். ஓய்வு கிடைக்காது, சீரியல் முடியும் வரை ஒரே மாதிரியான கதாபாத்திரத்தில் தான் தொடர முடியும். அதுவே, படங்கள் மற்றும் வெப் தொடர்கள் என்றால் புதிது புதிதான கதாபாத்திரத்தில் நடிக்க முடியும்'' என்றார்.

• 
  இப்ப, தமிழ் சினிமாவில் டாப் 5 ஹீரோயின் யார் தெரியுமா?
• 
  சூர்யாவின் ‛கருப்பு' ரிலீஸ் எப்போது?
• 
  பராசக்தி படப்பிடிப்பு முடிவடைந்தது
• 
  நவம்பர் 21-ல் ரீரிலீஸ் ஆகும் ப்ரண்ட்ஸ்
• 
  லாபத்தில் முதலில் நுழைந்த 'பைசன்'

• 
  அட்லி - அல்லு அர்ஜூன் படம் ஒரு சினிமா புரட்சி! ரன்வீர் சிங் வெளியிட்ட தகவல்
• 
  அமிதாப் பச்சனின் தீபாவளி கொண்டாட்டத்தில் மகளுடன் ஆப்சென்ட் ஆன ஐஸ்வர்யா ...
• 
  ‛பேட்டில் ஆப் கல்வான்' படப்பிடிப்பில் சல்மான்கானுக்கு மொபைல் போன் ...
• 
  காதலருடன் ஹூமா குரேஷிக்கு நிச்சயதார்த்தம் நடந்ததா?
• 
  நீதிமன்றம் கெடுபிடி : வெளிநாட்டு பயணத்தை ரத்து செய்த ஷில்பா ஷெட்டி