Dinamalar

ரவீணாவின் கார் யார் மீதும் மோதவில்லை : போலீஸ் அதிகாரி விளக்கம்

பாலிவுட் நடிகை ரவீணா டாண்டன் தமிழில் சாது, ஆளவந்தான் உள்ளிட்ட படங்களில் நடித்து இங்குள்ள ரசிகர்களிடமும் பிரபலமானவர். ஒரு சிறிய இடைவெளிக்கு பிறகு 2022ல் வெளியாகி மிகப்பெரிய வெற்றி பெற்ற கேஜிஎப் 2 படத்தில் பிரதமர் கதாபாத்திரத்தில் நடித்து ரீ என்ட்ரி கொடுத்தார்.

தற்போது ஹிந்தியில் வெல்கம் டு தி ஜங்கிள் மற்றும் குட்சடி உள்ளிட்ட படங்களில் நடித்து வருகிறார். இந்த நிலையில் இருதினங்களுக்கு முன் ரவீணாவின் கார் இரவு சாலையில் சென்ற மூன்று பெண்களின் மீது மோதியதாகவும் இதில் காயமடைந்த பெண்கள் வண்டியை ஓட்டிய டிரைவர் மற்றும் அதன்பிறகு சமாதானப்படுத்த இறங்கிய ரவீணா டாண்டன் ஆகியோருடன் வாக்குவாதத்தில் ஈடுபட்டு பின்னர் ஒரு கட்டத்தில் ரவீணாவை தாக்கவும் செய்தனர்.

இது குறித்து சில வீடியோக்கள் சோசியல் மீடியாவில் வெளியாகி பரபரப்பை ஏற்படுத்தின. இதில் ரவீணாவின் டிரைவர் மீது வழக்குப்பதிவு செய்யப்படதாகவும் தகவல் வெளியானது. இந்த நிலையில் சம்பவம் நடந்த மும்பை கார்ட்டர் ரோடு பகுதிக்கு பொறுப்பு வகிக்கும் டிசிபி ராஜ் திலக் ரோஷன் இது குறித்து கூறும்போது, “ரவீணாவின் கார் யார் மீதும் மோதவில்லை. அதனால் யாரும் காயமடையவும் இல்லை. ஓட்டுநர் காரை ரிவர்ஸ் எடுக்க முயன்ற போது பின்பக்கம் இருந்த பெண் தன்னை இடிப்பது போல் வந்ததால் கத்தி கூச்சலிட்டு டிரைவரை திட்டி வாக்குவாதத்தில் ஈடுபட்டுள்ளார். அதை சமாதானப்படுத்த இறங்கிய ரவீணா டாண்டனையும் அவர்கள் தாக்கியதாக சொல்லப்படுகிறது. அதேசமயம் இவர்கள் இருவர் தரப்பில் இருந்தும் எந்தவித புகாரும் எங்களுக்கு வரவில்லை. ரவீணாவின் கார் பெண்கள் மீது மோதி விட்டது என்கிற தவறான செய்தியை யாரும் பரப்ப வேண்டாம்” என்று கூறியுள்ளார்.

• 
  இளம் நடிகருடன் காதலா? - கோட் நடிகை விளக்கம்
• 
  ஏஆர் ரஹ்மான் பிரிவுக்கும், மோகினி டே பிரிவுக்கும் சம்பந்தம் இல்லை: சாய்ரா ...
• 
  என் மகளை மீட்டு தந்தது செட்டிக்குளங்கரா தேவி தான் : நயன்தாரா அம்மா ...
• 
  கிஸ் படத்திலிருந்து அனிரூத் விலகலா?
• 
  சம்பந்தி இது சரியில்லை : ‛ராஜாகிளி' பட விழாவில் அர்ஜூன் கலாட்டா

• 
  மகனை இயக்குனராக அறிமுகப்படுத்தும் ஷாருக்கான்
• 
  வாழ்க்கையை குறை சொல்லாதீங்க : தோல்வி குறித்து ஷாரூக்கான் தந்த அறிவுரை
• 
  உண்மையை வெளிக்கொண்டு வந்துள்ளது: 'தி சபர்மதி ரிப்போர்ட்' படத்திற்கு ...
• 
  கங்குவா பட நாயகி திஷா பதானியின் தந்தையிடம் ரூ.25 லட்சம் மோசடி
• 
  வளர்ப்பு மகள் மீது 50 கோடி நஷ்ட ஈடு கேட்டு வழக்கு தொடர்ந்த நடிகை