Dinamalar

செப்டம்பர் 7ம் தேதி 'ஜவான்' ரிலீஸ் : ஷாருக்கான் உறுதி

தமிழ் இயக்குனர் அட்லி இயக்கி உள்ள முதல் பாலிவுட் படம் 'ஜவான்'. இந்த படத்தை ஷாருக்கான் தயாரித்து நடித்திருக்கிறார். அவருடன் தீபிகா படுகோன், நயன்தாரா, விஜய்சேதுபதி உள்பட பலர் நடித்திருக்கிறார்கள். அனிருத் இசை அமைத்திருக்கிறார். இந்த படம் நிறைவடைந்தும் பல முறை ரிலீஸ் தள்ளி வைக்கப்பட்டு கடைசியாக வருகிற செப்டம்பர் மாதம் 7ம் தேதி வெளியாகும் என்று அதிகாரபூர்வமாக அறிவிக்கப்பட்டுள்ளது. என்றாலும் பலமுறை தள்ளி வைக்கப்பட்டதால் இந்த அறிவிப்பிலும் ரசிகர்கள் நம்பிக்கை இல்லாமல் இருக்கிறர்கள்.

இந்த நிலையில் ஷாருக்கான் மாதம்தோறும் தனது ரசிகர்களுடன் 'ஆஸ்க் எஸ்ஆர்கே' என்ற நிகழ்ச்சி மூலம் சமூக வலைத்தளத்தின் தன் ரசிகர்களுடன் உரையாடுவார். அப்படி ஒரு உரையாடல் நேற்று நடந்தது. இதில் பெரும்பாலான ரசிகர்கள் ஜவான் ரிலீஸ் தேதி பற்றித்தான் கேட்டார்கள்.

அதற்கு பதிலளித்த ஷாருக்கான் “செப்டம்பர் 7ம் தேதி ஜவானை நீங்கள் கண்டிப்பாக சந்திக்கலாம். அட்லியுடன் கூலாக வருகிறார் ஜவான். இந்த படத்திற்காக நான் நிறைய உழைத்திருக்கிறேன். ஜவான் நிறைய சவால்கள் நிறைந்த படைப்பாக இருந்தது. விஜய்சேதுபதி எனக்கு பிடித்த நடிகர். அவர் கூலான மனிதர், ஆனால் படத்தில் வில்லன்” இவ்வாறு ஷாருக்கான் தனது பதிலில் கூறியிருக்கிறார்.

• 
  கவினுக்கு ஜோடியான பிரியங்கா மோகன்
• 
  தெலுங்கு படத்தில் விலைமாதுவாக நடிக்கும் கயாடு லோஹர்
• 
  கூலி ரிலீஸ் தேதி கவுன்ட் டவுன் போஸ்டர் வெளியானது
• 
  “என் உயிருக்கு ஏதாவது ஆனால்...” : நடிகர் பாலாவின் 3-வது மனைவி ...
• 
  அடுத்த ஆண்டு துவக்கத்தில் விக்ரமை இயக்கும் பிரேம்குமார்

• 
  நடிகை கியாரா அத்வானிக்கு பெண் குழந்தை பிறந்தது
• 
  எனது முத்தக் காட்சியை எப்படி நீக்கலாம் : பாலிவுட் நடிகை கண்டனம்
• 
  அட்லி இயக்கும் விளம்பரத்தில் நடிக்கும் ரன்வீர் சிங், ஸ்ரீ லீலா
• 
  ‛பரியேறும் பெருமாள்' ஹிந்தி ரீ மேக்கான ‛தடக் 2' டிரைலர் வெளியீடு, ஆக., 1ல் ...
• 
  குரு பூர்ணிமாவில் அமிதாப் பச்சன் சிலையை வைத்து வழிபாடு