Dinamalar

'வீரம்' ஹிந்தி ரீமேக் வெற்றிநடை போடுமா ?

சிவா இயக்கத்தில் அஜித், தமன்னா, சந்தானம் மற்றும் பலர் நடித்து 2014ம் ஆண்டில் வெளியான படம் 'வீரம்'. சுமாரான வெற்றியைப் பெற்ற அந்தப் படம் பின்னர் தெலுங்கில் பவன் கல்யாண், ஸ்ருதிஹாசன் மற்றும் பலர் நடிக்க 'கட்டமராயுடு' என்ற பெயரில் 2017ம் ஆண்டிலும், கன்னடத்தில் தர்ஷன், சனா திம்மய்யா மற்றும் பலர் நடிக்க 'ஒடேயா' என்ற பெயரில் 2019ம் ஆண்டிலும் ரீமேக் ஆனது.

இப்போது ஹிந்தியில் 'கிசி கா பாய் கிசி கி ஜான்' என்ற பெயரில் ரீமேக் ஆகி நாளை மறுநாள் ஏப்ரல் 21ம் தேதி வெளியாக உள்ளது. பர்ஹத் சாம்ஜி இயக்கத்தில் சல்மான் கான், வெங்கடேஷ், பூஜா ஹெக்டே, ஜெகபதி பாபு, பூமிகா சாவ்லா, மற்றும் பலர் இப்படத்தில் நடித்துள்ளார்கள்.

இப்படத்தின் டிரைலர் பத்து நாட்களுக்கு முன்பு வெளியாகி 42 மில்லியன் பார்வைகளைப் பெற்றுள்ளது. தெலுங்கு கன்னடத்தில் சுமாரான வரவேற்பையும், வசூலையும் மட்டுமே பெற்றது. ஹிந்தியில் சமீப காலங்களில் வெளியான ரீமேக் படங்களுக்குப் பெரிய வரவேற்பு கிடைக்கவில்லை. அஜய் தேவகன் நடித்து வெளியான 'கைதி' ஹிந்தி ரீமேக்கான 'போலா' கூட தோல்வியடைந்தது.

சல்மானுக்கென்று ஹிந்தியில் தனி வரவேற்பு உண்டு. அதனால், 'கிசி கா பாய் கிசி கி ஜான்' வெற்றி நடை போடும் என பாலிவுட்டில் எதிர்பார்க்கிறார்கள்.

• 
  ஜான்வி கபூர் : கிளாமர் வாய்ப்புகளை மட்டுமே தரும் தெலுங்கு சினிமா
• 
  மக்கள் மேடை : தனி இயக்கம் துவக்கினார் ரஜினி மனைவி லதா
• 
  காஜல் அகர்வால் நடிக்கும் 'தி இந்தியா ஸ்டோரி' ஜூலை 24ம் தேதி வெளியாகிறது!
• 
  ஜனநாயகன் : வினியோகஸ்தர்களுக்கு பணம் திருப்பித் தரப்படுகிறதா?
• 
  கருப்பு - தமிழக வசூல் 175 கோடி, அதிகாரப்பூர்வ அறிவிப்பு

• 
  60 வயதில் மூன்றாவது திருமணம் : அமீர்கானை விமர்சிக்கும் ரசிகர்கள்
• 
  பிகினி தோற்றம் : கிரித்தி சனோன் வெளியிட்ட தகவல்
• 
  'மாம் 2' படப்பிடிப்பில் குஷி கபூரின் நடிப்பால் அதிருப்தியில் ...
• 
  சத்ரபதி சிவாஜி டீசர்ட் அணிந்து நடனமாடியதற்கு மன்னிப்பு கேட்ட ...
• 
  ஒரு ரூபாய் கூட வாங்காமல் கங்கனாவுக்கு டைட்டிலை விட்டுக்கொடுத்த ஜான் ...