Dinamalar

அமெரிக்காவில் ஆர்.ஆர்.ஆர் சாதனையை முறியடித்த பதான்

கடந்த 2018ம் ஆண்டு ஷாருக்கான் நடிப்பில் திரைக்கு வந்த ஜீரோ என்ற படம் படுதோல்வி அடைந்தது. அதையடுத்து ராக்கெட்ரி, லால்சிங் சத்தா, பிரம்மாஸ்திரம் போன்ற படங்களில் கெஸ்ட் ரோலில் நடித்தார் ஷாருக்கான். இந்த நிலையில் தற்போது நான்கு ஆண்டுகளுக்கு பிறகு அவர் நடிப்பில் தமிழ், தெலுங்கு, ஹிந்தி என மூன்று மொழிகளில் பதான் படம் வெளியாகியுள்ளது. சித்தார்த் ஆனந்த் இயக்கியுள்ள இந்த படத்தில் ஷாருக்கானுடன் தீபிகா படுகோனே, ஜான் ஆபிரகாம், சல்மான் கான் ஆகியோர் நடித்திருக்கிறார்கள். கடந்த 25 ஆம் தேதி திரைக்கு வந்து இந்த படம் வெளியான அனைத்து பகுதிகளிலும் வெற்றிகரமாக ஓடிக்கொண்டிருக்கிறது.

அந்த வகையில் இந்திய அளவில் படம் 200 கோடி வசூல் கிளப்பில் இணைந்து இருப்பதாகவும் தகவல் வெளியிடப்பட்டுள்ளன.மேலும், கடந்த ஆண்டு அமெரிக்காவில் ராஜமவுலியின் ஆர்.ஆர்.ஆர் படம் முதல் சனிக்கிழமை அன்று 2.42 மில்லியன் வசூலித்தது. யுஎஸ்ஏ திரையரங்குகளில் முதல் சனிக்கிழமை அன்று பதான் படம் 2.85 மில்லியன் வசூலித்துள்ளது. படத்தின் தொடக்க வார இறுதியில் வட அமெரிக்காவில் 8 மில்லியனுக்கு மேல் வசூலிக்கும் என்று எதிர்பார்க்கப்படுகிறது. அந்த வகையில் உள்நாட்டிலும் வெளிநாட்டிலும் முந்தைய வசூல் சாதனை படங்களான பாகுபலி -2 , கேஜிஎப் -2 ஆகிய படங்களின் வசூல் சாதனைகளை ஷாருக்கானின் பதான் படம் முறியடித்து வருவதாகவும் தகவல்கள் வெளியாகி உள்ளன.

• 
  நான் நிஜமாகவே அதிர்ஷ்டசாலி : மாளவிகா மோகனன் மகிழ்ச்சி
• 
  முதன்முதலில் அதிகமாக ட்ரோல் செய்யப்பட்ட படம் 'அஞ்சான்': இயக்குனர் ...
• 
  கீர்த்தி சுரேஷ் வைத்த அன்பான கோரிக்கையை நிராகரித்த தனுஷ்
• 
  விஜய் ஆண்டனி இசையமைத்து பாடிய பூக்கி படத்தின் முதல் பாடல் வெளியானது!
• 
  தனுஷின் தேரே இஷ்க் மெயின் படத்தின் ப்ரீ புக்கிங் எவ்வளவு?

• 
  கணவர் மீது புகார் அளித்துள்ள செலினா ஜெட்லி
• 
  ஜோசப் ரீமேக்கை பார்க்காமலேயே தர்மேந்திரா மறைந்து விட்டார் : மலையாள ...
• 
  ஹிந்தியில் மீண்டும் தடம் பதிப்பாரா தனுஷ்?
• 
  சினிமா டூ அரசியல் : பாலிவுட்டின் ‛ஹீ மேன்' தர்மேந்திராவின் வாழ்க்கை ...
• 
  ஹிந்தி நடிகர் தர்மேந்திரா காலமானார்