Dinamalar

கதையை எழுதி முடித்த ஷாரூக்கான் மகன் ஆர்யன் கான்

பாலிவுட்டின் முன்னணி நடிகர்களில் ஒருவர் ஷாரூக்கான். அவருக்கு ஆர்யன் கான் என்ற மகன், சுஹானா கான் என்ற மகள், அப்ராம் என்ற மகன் இருக்கிறார்கள். 25 வயதாகும் ஆர்யன் கான் கலிபோர்னியாவில் உள்ள திரைப்படப் பள்ளியில் பிலிம் மேக்கிங் படிப்பை முடித்துள்ளார். அவருக்கு நடிகராவதை விட இயக்குனர் ஆவதில்தான் விருப்பம்.

தற்போது திரைப்படம் இயக்குவதில் தீவிரமாக இறங்கியுள்ள ஆர்யன் ஒரு கதையை எழுதி முடித்துவிட்டதாக தனது இன்ஸ்டாகிராமில் பதிவிட்டுள்ளார். அவரது அப்பா ஷாரூக்கிற்குச் சொந்தமான ரெட் சில்லிஸ் என்டர்டெயின்மென்ட் பெயர் எழுதப்பட்ட கிளாப் போர்டு, மற்றும் கதை எழுதிய புத்தகம் ஆகிய புகைப்படங்களுடன், “எழுதி முடித்துவிட்டேன், ஆக்ஷன் சொல்ல காத்திருக்க முடியவில்லை,” என்று பதிவிட்டுள்ளார். அது ஒரு வெப் சீரிஸுக்கான கதையாம், 2023ல் படப்பிடிப்பு ஆரம்பமாக உள்ளது என்கிறார்கள்.

அந்தப் பதிவின் கமெண்ட் பகுதியில், “வாவ்…யோசித்தது, நம்பியது, கனவு கண்டது நடந்தது…. இப்போது தைரியமாக… முதல் ஒன்றிற்கு எனது வாழ்த்துகள், அது எப்போதும் சிறப்பானது” என ஷாரூக் தனது மகனுக்கு வாழ்த்து தெரிவித்துள்ளார். ஆர்யனின் அம்மா கவுரி கான், “பார்ப்பதற்கு காத்திருக்க முடியவில்லை,” என்று கமெண்ட் செய்துள்ளார். மேலும் பல பாலிவுட் பிரபலங்கள் ஆர்யனுக்கு வாழ்த்து தெரிவித்துள்ளார்கள்.

• 
  மீண்டும் தெலுங்கு படக்குழு உடன் இணையும் தனுஷ்
• 
  லெவன் பட இயக்குனரின் அடுத்த பட அப்டேட்
• 
  பாடலால் ஜேசன் சஞ்சய் படம் பாதிப்பா
• 
  ஆக் ஷன் ரோல் என சொன்னதும் அப்பா சொன்ன வார்த்தை : கல்யாணி பிரியதர்ஷன்
• 
  ‛வட சென்னை' பின்னணியில் வெற்றிமாறன் - சிம்பு படம்: அதிகாரப்பூர்வமாக ...

• 
  அக்டோபர் முதல் வாரத்தில் நெட்பிளிக்ஸில் வெளியாகும் ‛வார்-2'
• 
  நடிகை ஷில்பா ஷெட்டியின் ரெஸ்டாரன்ட் நாளை மூடப்படுகிறது!
• 
  தங்கம் கடத்தலில் ஈடுபட்டு சிறையில் இருக்கும் நடிகைக்கு 102 கோடி அபராதம்
• 
  குருவாயூரப்பனை தரிசனம் செய்த அக்ஷய் குமார்
• 
  இயக்குனர் சஞ்சய் லீலா பன்சாலி மீது ராஜஸ்தானில் எப்ஐஆர் பதிவு