Dinamalar

இந்திராவை இயக்குகிறார் கங்கனா

பாலிவுட் நடிகை கங்கனா ரணாவத் பயோபிக் படங்களில் ஆர்வத்தோடு நடிப்பவர். தமிழக முன்னாள் முதல்வர் ஜெயலலிதா, ஆங்கிலேயர்களை எதிர்த்து போராடிய ஜான்சி ராணி கேரக்டர்களில் நடித்துள்ளார். அடுத்து அவர் முன்னாள் பிரதமர் இந்திராவின் வாழ்க்கை வரலாற்று படத்தில் நடிக்க முடிவு செய்தார். இதனை அவரே தயாரிக்கிறார், இதற்காக கடந்த 2 ஆண்டுகளாக அவரது கதை இலாகா பணியாற்றி வருகிறது.

கங்கனா நடிப்பில் சமீபத்தில் வெளியான ஹாலிவுட் பாணியிலான ஆக்ஷன் படம் தக்காட் பெரிய தோல்வியை சந்தித்தது. சுமார் 90 கோடியில் தயாரான படம் 3 கோடிதான் வசூலித்தது. இதற்கெல்லாம் கலங்காத கங்கனா அடுத்த அதிரடியில் இறங்கி உள்ளார். தனது கதை இலாகா எழுதி முடித்துள்ள இந்திராவின் வாழ்க்கை வரலாற்று கதையை எமெர்ஜென்சி என்ற பெயரில் படமாக்குகிறார். இந்த படத்தை வேறொருவர் இயக்குவதாக இருந்தது. தற்போது இதனை கங்கனாவே இயக்கி நடிக்க முடிவு செய்துள்ளார்.

இந்த படத்தில் இந்திராவால் கொண்டுவரப்பட்ட எமெர்ஜென்சி காலத்தில் மக்கள் பட்ட துயரங்களும், அப்போதைய இந்திராவின் நடவடிக்கைகளும் முக்கியமாக இருக்குமாம். பாரதிய ஜனதா காட்சியின் சார்பாளர் என்று கருதப்படும் கங்கனா இயக்கும் இந்திரா படத்திற்கு இப்போதே எதிர்பார்ப்பு கிளம்பி உள்ளது. இந்த படத்தை தனது தயாரிப்பில் இருந்து விடுவித்து, தக்காட் படத்தை தயாரித்த நிறுவனத்திற்கு கொடுக்க இருக்கிறாராம்.

• 
  ராம்சரண் தயாரிக்கும் முதல் படத்தின் படப்பிடிப்பில் தண்ணீர் டேங்க் ...
• 
  ஊர்வசி மறுத்திருந்தால் மகள் நடிகையாகி இருக்க மாட்டார் : கண் கலங்கிய மனோஜ் ...
• 
  ரிவால்வர் ரீட்டா படத்தின் ரிலீஸ் தேதி அறிவிப்பு
• 
  நாளை வெளியாகும் ‛குபேரா' படத்தின் டிரைலர்
• 
  ‛கூலி' படத்தின் தெலுங்கு வியாபாரம் தொடங்கியது

• 
  'பெங்கால் பைல்ஸ்' என டைட்டில் மாற்றப்பட்ட 'டெல்லி பைல்ஸ்'
• 
  தந்தையின் 70வது பிறந்தநாளில் 75 பாட்மின்டன் பயிற்சி மையங்களை துவங்கிய ...
• 
  250 கோடியில் வீடு கட்டிய பாலிவுட் நட்சத்திர தம்பதிகள்
• 
  தமன்னா நடிக்கும் 'விவான்' படத்தின் படப்பிடிப்பு தொடங்கியது!
• 
  முகமூடி அணிந்து ரசிகர்களிடம் நேரடியாக பட விமர்சனம் கேட்ட அக்ஷய் குமார்