Dinamalar

'மீ டூ' அனுபவம் எனக்கு இதுவரை இல்லை : ஆஷ்னா சவேரி

வல்லவனுக்கு புல்லும் ஆயுதம் படம் மூலம், தமிழுக்கு வந்தவர் ஆஷ்னா சவேரி. விமலுடன் இவர் நடித்த, இவனுக்கு எங்கேயோ மச்சம் இருக்கு படத்தில், படுகவர்ச்சியாக நடித்துள்ளார். அவருடன் பேசியதிலிருந்து:

இவனுக்கு எங்கேயோ மச்சம் இருக்கு எந்த மாதிரியான படம்?
நீண்ட நாட்களுக்கு பின், நான் நடித்த படம் வெளியாகிறது. ரொம்ப ஜாலியான, காமெடி படம். இளம் ரசிகர்கள் ஒவ்வொருவரும் ரசிப்பர். முதல் முறையாக, இந்த படத்தில், கிராமத்துப் பெண்ணாக நடித்துள்ளேன்.

தமிழ் நன்றாக பேசுகிறீர்களே?
ஆம், ஓய்வு கிடைத்தபோதெல்லாம், தமிழில் பேசுவதற்கு பயிற்சி எடுத்தேன். படப்பிடிப்பில், அது, எனக்கு பெரிய உதவியாக இருந்தது.

இந்த படத்தில், உங்களுக்கு என்ன கேரக்டர்?
சுரேகா என்ற கிராமத்து பெண்ணாக நடிக்கிறேன். விமல், சிங்கம்புலி ஆகியோருடன் நடித்தது, ஜாலியாக இருந்தது. அமைதியான குணம் உடைய இளம் பெண்ணாக நடிக்கிறேன்.

சந்தானத்துடன் மீண்டும் ஜோடி சேர்வீர்களா?
கதை பிடித்திருந்தால், நிச்சயமாக அவருடன் ஜோடி சேர்ந்து நடிப்பேன்.

எந்த நடிகையை, உங்களுக்கு போட்டியாக நினைக்கிறீர்கள்?
சினிமாவில், யாரும், யாருடனும் போட்டி போட முடியாது. அவரவருக்கான இடம் நிச்சயம் கிடைத்து கொண்டிருக்கிறது.

படப்பிடிப்பு இல்லாத நாட்களில் என்ன செய்வீர்கள்?
யோகாவில் எனக்கு அதிக ஆர்வம். அதேபோல், தினமும் உடற்பயிற்சி செய்வேன். ஓய்வு கிடைக்கும்போது, புத்தகங்கள் படிப்பேன்.

தமிழில் யாருடன் நடிக்க ஆசை?
விஜய், அஜித், ரஜினி, கமல் என, எல்லா முன்னணி நடிகர்களுடனும் நடிக்க ஆசை.

நாயகியருக்கான பாத்திரம் என்றால் எதை தேர்ந்தெடுப்பீர்கள்?
இப்போது பெண்களை மையப்படுத்தும் படங்கள் அதிகமாக வருகின்றன. அதுபோன்ற வாய்ப்பு எனக்கும் கிடைத்தால், சிறப்பாக செய்வேன். அறம் படத்தில், நயன்தாரா நடித்தது போன்ற கேரக்டரில் நடிக்க ஆசையாக உள்ளது.

'மீ டூ'வைப் பற்றி?
இது நல்ல விஷயம் தான். என் முதல் படத்திலிருந்து இதுவரை, அந்த மாதிரி அனுபவங்கள் எனக்கு நடக்கவில்லை.

புத்தாண்டில் என்ன செய்ய விரும்புகிறீர்கள்?
புதிதாக எதுவும் இல்லை. ஒவ்வொரு நாளும் புதிதாக கற்றுக் கொண்டே இருக்கிறேன். இப்போது போலவே இருக்க விரும்புகிறேன்.

ரசிகர்களுக்கு சொல்ல விரும்புவது?
ஏதாவது ஒரு வகையில் நம் உடலை கட்டுக் கோப்பாக வைத்துக் கொள்ள வேண்டும். உடற்பயிற்சி, யோகா இல்லையென்றாலும், பிடித்த விளையாட்டை விளையாடுவதன் மூலம், உடலை பாதுகாப்பாக வைத்துக் கொள்ளலாம்.

• 
  அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு
• 
  14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன்
• 
  சிவாஜியின் மகன் சாம்பாஜி வாழ்க்கை சினிமா ஆகிறது
• 
  அக்ஷய் குமாருக்கு ஜோடியாக நடித்தால் விமர்சிப்பதா? - மனுசி சில்லார் ஆவேசம்
• 
  சல்மான் கானுக்கு ஜோடியாக கியாரா அத்வானி?

• 
  ப்ரீத்தாவின் பிரியமான கனவு
• 
  வெற்றியும் தோல்வியும் ஒரே நாள் தான் : ஜெயித்துக்காட்டும் ஜெயம் ரவி
• 
  கனா கண்டேன்... வென்றேன் : அட.. டா.. அக்சதா அஜித்
• 
  சின்ன வயது சினிமா சாதித்தேன் - தேஜா வெங்கடேஷ்
• 
  மக்களை சந்தோஷப்படுத்தணும்: சந்தோஷத்தில் சாம்ஸ்