Dinamalar

டிவி நிகழ்ச்சியில் சவுந்தர்யாவை நினைத்து கண் கலங்கிய ரம்யா கிருஷ்ணன்

தெலுங்கில் பிரபல வில்லன் மற்றும் குணசத்திர நடிகர் ஜெகபதி பாபு, தனியார் சேனல் ஒன்றில் டாக் ஷோவை நடத்தி வருகிறார். இதில் வாராவாரம் திரையுலக பிரபலங்கள் கலந்து கொண்டு வருகின்றனர். சமீபத்தில் நடிகை ரம்யா கிருஷ்ணன் கலந்து கொண்டார். அப்போது தன்னுடனும் ரம்யா கிருஷ்ணனுடனும் சில படங்களில் இணைந்து நடித்த மறைந்த நடிகை சவுந்தர்யா குறித்து பேச ஆரம்பித்ததும் ரம்யா கிருஷ்ணன் முகத்தில் புன்னகை மலர்ந்தது. ஆனால் அடுத்த நொடி படையப்பா திரைப்படத்தில் ரம்யா கிருஷ்ணனும் சவுந்தர்யாவும் இணைந்து நடித்த வீடியோ கிளிப் ஒன்று திரையிடப்பட்டபோது அதை பார்த்த ரம்யா கிருஷ்ணன் கண்களில் இருந்து கண்ணீர் வழிய ஆரம்பித்தது.

ரம்யா கிருஷ்ணன் கூறும்போது, “சவுந்தர்யாவுடன் படையப்பா உள்ளிட்ட பல படங்களில் இணைந்து பணியாற்றி உள்ளேன். அவர் ரொம்பவே அப்பாவி பெண்ணாக இருந்து கொஞ்சம் கொஞ்சமாக தன்னை ஒரு இளம் தேவதையாக உருவாக்கிக் கொள்ளும் வரை அவரது வளர்ச்சியை நேரில் இருந்து பார்த்தவள் நான். தன்னுடைய புகழ் எப்போதுமே தன்னை மாற்றிக் கொள்ள அவர் அனுமதித்ததே இல்லை. அவர் உண்மையிலேயே ஒரு நல்ல தோழி. அதையும் தாண்டி ஒரு நல்ல மனிதநேயம் கொண்டவர்” என்று தெரிவித்தார்.

90களில் ஆரம்பத்தில் சினிமாவை நுழைந்து தமிழில் ரஜினி, கமல், விஜயகாந்த் என அனைத்து முன்னணி நட்சத்திரங்களுடனும் நடித்தவர் சவுந்தர்யா. தெலுங்கிலும் முன்னணி கதாநாயகியாக வலம் வந்தார். இவரும் ரம்யா கிருஷ்ணனும் அம்மன், படையப்பா உள்ளிட்ட பல படங்களில் இணைந்து நடித்துள்ளனர். கடந்த 2004ல் ஒரு விமான விபத்தில் நடிகை சவுந்தர்யா இறந்தார். இந்த நிலையில் தான் சவுந்தர்யாவின் வீடியோ காட்சியை பார்த்ததும் கண்கலங்கி விட்டார் ரம்யா கிருஷ்ணன்.

• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி
• 
  நிலத்தில் உழவு செய்த சல்மான் கான், தோனி
• 
  'திரிஷ்யம் 3' படத்திலிருந்து விலகிய அக்ஷய் கண்ணா ; சம்பள பிரச்னை காரணமா ?
• 
  ஜனவரி 23-ல் நெட் பிளிக்ஸில் தேரே இஸ்க் மே

• 
  மாஸ் மாஸ்டர்: புதிய பட்டத்துடன் 25வது படத்தில் பாபி சிம்ஹா
• 
  மீண்டும் கதாநாயகனாக நடிக்கும் டான்ஸ் மாஸ்டர் ராபர்ட்
• 
  பிளாஷ்பேக் : தியாகியாக நடித்தால் மக்கள் பட்டை நாமம் போடுவார்கள் என சொன்ன ...
• 
  பிளாஷ்பேக் : தவறான சிகிச்சையால் மரணம் அடைந்த பட்டுக்கோட்டை ...
• 
  75 வயது பவுனுதாயி ஆக ராதிகா சரத்குமார்: பட ரிலீசுக்கு முன்பே வியாபாரம் ஆன ...