குபேரா படத்தின் புதிய போஸ்டர் வெளியானது! | செப்.10ம் தேதி வெளியாகும் தேவாரா பட டிரைலர்! | டெல்லி கணேஷ், சி.ஆர். விஜயகுமாரிக்கு ‛கலையுலக வாழ்நாள் சாதனையாளர்' விருது | கமல்ஹாசன் இடத்தை நிரப்புவாரா விஜய் சேதுபதி? | 27வது ஆண்டில் சூர்யா: 44வது படத்தின் போஸ்டர் வெளியானது! | ரஜினியின் வேட்டையன் படத்தின் முதல் பாடல்: செப்டம்பர் 9ம் தேதி வெளியாகிறது! | விஜய் கட்சியின் மாநாடு- 50 ஆயிரம் பேருக்கு அனுமதி கொடுத்த காவல்துறை! | தமிழில் முதல் 'பான் இந்தியா' படம் 'கங்குவா' தான், ஏன்? | சிம்ரன் நடிக்கும் 'தி லாஸ்ட் ஒன்' | கருமேகங்கள் விலகட்டும் ; ஹேமா கமிஷன் குறித்து மனம் திறந்த மஞ்சு வாரியர் |
பிரசாந்த் வர்மா இயக்கத்தில், தேஜா சஜ்ஜா, அம்ரிதா ஐயர், வரலட்சுமி சரத்குமார், வினய் மற்றும் பலர் நடிப்பில் தெலுங்கில் மட்டுமல்லாது பான் இந்தியா படமாக மற்ற மொழிகளிலும் டப்பிங் ஆகி வெளியான படம் 'ஹனு மான்'.
இப்படம் நான்கு நாட்களில் உலக அளவில் 100 கோடி வசூலித்துள்ளதாக தயாரிப்பு நிறுவனம் அதிகாரப்பூர்வமாக அறிவித்துள்ளது. “குறைந்த தியேட்டர்களிலும், குறைவான டிக்கெட் கட்டணங்களில்,” இந்தத் தொகைப் பெற்றுள்ளதாக தயாரிப்பு நிறுவனம் குறிப்பிட்டுள்ளது.
தெலுங்கில் மகேஷ் பாபு நடித்த 'குண்டூர் காரம்' படத்திற்கு அதிக தியேட்டர்கள் கொடுக்கப்பட்டதாகவும், அதனால், இப்படத்திற்கு குறைவான தியேட்டர்களையே ஒதுக்கினார்கள் என்பது வெளியீட்டிற்கு முன்பாகவே சர்ச்சையைக் கிளப்பியது.
படம் 100 கோடி வசூலைக் கடந்துள்ளது குறித்து படக்குழுவினர் மகிழ்ச்சி தெரிவித்துள்ளனர். படத்தின் இயக்குனர் பிரசாந்த் வர்மா, “எனது திரைப்படங்களில் முதல் செஞ்சுரி,” என்றும் படத்தின் நாயகன் தேஜா சஜ்ஜா, “எனது 'ஜெர்ஸி' தருணம்... தற்செயலாக இப்படத்திலும் எனது போஸ் அப்படியே இருக்கிறது,” என்றும் படத்தின் நாயகி அம்ரிதா ஐயர், “ஜெய் ஸ்ரீராம். எனது மகிழ்ச்சி கண்ணீரைக் கட்டுப்படுத்த முடியவில்லை,” என்றும் குறிப்பிட்டுள்ளார்கள்.
இப்படம் 200 கோடி வசூலைக் கடக்க வாய்ப்புள்ளதாக டோலிவுட் வட்டாரங்களில் தெரிவிக்கிறார்கள்.