Dinamalar

'துருவ நட்சத்திரம்' வெளிநாடுகளில் முன்பதிவு ஆரம்பம்

கவுதம் மேனன் இயக்கத்தில், விக்ரம், ரித்து வர்மா மற்றும் பலர் நடிப்பில் உருவாகியுள்ள 'துருவ நட்சத்திரம்' படம் நாளை மறுதினம் நவம்பர் 24ம் தேதி வெளியாகும் என்று அறிவிக்கப்பட்டுள்ளது. இப்படத்திற்கான தமிழக முன்பதிவு இதுவரை ஆரம்பமாகவில்லை. ஆனால், வெளிநாடுகளில் உள்ள தியேட்டர்களில் ஆரம்பமாகிவிட்டது.

தமிழக வெளியீட்டு வியாபாரம் இன்னும் முடிவடையாததால் இங்கு முன்பதிவு ஆரம்பமாகவில்லை என்று சொல்லப்படுகிறது. படம் வெளியாக ஓரிரு நாட்களே உள்ள நிலையில் இந்த இழுபறி நீடித்து வருகிறது.

இப்படத்தை வைத்து கவுதம் மேனன் ஒரு பெரும் தொகையை கடனாக வாங்கி அதை அடைக்க வேண்டுமாம். படத்தின் வியாபாரம் முடிவடைந்து அதற்கான தொகை கைக்கு வந்தால் மட்டுமே அவரால் கடனை அடைக்க முடியும் என்கிறார்கள்.

இந்த வாரம் வெளியாவதாக அறிவிக்கப்பட்டுள்ள படங்களில் இந்தப் படம்தான் பெரிய படம். ஏற்கெனவே மழையால் கடந்த சில நாட்களாக பல ஊர்களில் பல தியேட்டர்களில் காட்சிகள் ரத்து செய்யப்படும் நிலை உள்ளது. இந்தப் படம் வரவில்லை என்றால் தியேட்டர்காரர்களுக்கும் பாதிப்புதான், சந்தானத்தின் '80ஸ் பில்டப்' படத்தை மட்டுமே வைத்து ஓட்ட வேண்டும்.

• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி

• 
  தியேட்டர் நெரிசல் பலி - 'ஏ 11' குற்றவாளியான அல்லு அர்ஜுன்
• 
  சூர்யா 46வது படத்தின் கதை : தயாரிப்பாளர் வெளியிட்ட தகவல்
• 
  ரெட்ட தல, சிறை படங்களின் பாக்ஸ் ஆபீஸ் நிலவரம்
• 
  கதை திருட்டு புகாரில் சிக்கிய பராசக்தி : உயர்நீதிமன்றம் போட்ட உத்தரவால் ...
• 
  வளர்ந்து வந்த காலத்தில் போட்டிக்குப் போன விஜய்... : அவர் செய்தால் நியாயம், ...