தமிழுக்கு வரும் அடுத்த மலையாள நடிகை நிமிஷா சஜயன்

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

தமிழுக்கு வரும் அடுத்த மலையாள நடிகை நிமிஷா சஜயன்

25 செப், 2023 - 04:52 IST

எழுத்தின் அளவு:

மலையாளத் திரையுலகத்தில் இயல்பான நடிப்பை வெளிப்படுத்தும் நடிகைகளில் ஒருவர் என பாராட்டப்படுபவர் நிமிஷா சஜயன். மும்பையில் பிறந்து, படித்து வளர்ந்த நிமிஷா 2017ல் வெளிவந்த 'தொண்டிமுத்தலும் ட்ரிசாக்ஷியும்' என்ற படத்தில் அறிமுகமானார். தொடர்ந்து பத்துக்கும் மேற்பட்ட மலையாளப் படங்களிலும், ஒரு மராத்தி படத்திலும் நடித்த நிமிஷா இந்த வாரம் வெளியாக உள்ள 'சித்தா' படத்தின் மூலம் தமிழிலும் அறிமுகமாக உள்ளார்.

அப்படத்தில் துப்புரவு பெண் தொழிலாளி கதாபாத்திரத்தில் நடித்துள்ளார். படத்தின் டீசர் மற்றும் டிரைலரில் நிமிஷாவின் நடிப்பைப் பார்த்தவர்கள் தமிழிலும் அவர் ஒரு முக்கிய இடத்தைப் பிடிப்பார் என எதிர்பார்க்கிறார்கள். இப்படத்தை அடுத்து 'ஜிகர்தண்டா டபுள் எக்ஸ்' படத்திலும் கதாநாயகியாக நடித்துள்ளார்.

மும்பையில் வளர்ந்ததால் தமிழைக் கொஞ்சமாகப் பேசும் நிமிஷா விரைவில் நன்றாகப் பேசக் கற்றுக் கொள்வார் என எதிர்பார்க்கலாம். மலையாள நடிகைகள் தமிழில் எளிதில் ரசிகர்களின் மனதைக் கவர்ந்துவிடுவார்கள். அது நிமிஷாவுக்கும் நடக்குமா என்பது சில நாட்களில் தெரிந்துவிடும்.

NimishaSajayan

Chithha

Siddharth

கருத்துகள் (0) கருத்தைப் பதிவு செய்ய

இசையில் இணையும் தந்தை, மகள்

இப்படி ஒரு அண்ணன் இருக்கும் போது ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய