Dinamalar

15 வருடங்களை நிறைவு செய்த 'சிவாஜி'

தமிழ்த் திரையுலகத்தில் மாபெரும் வெற்றி பெற்ற படங்களில் முக்கியமான ஒரு படமாக 'சிவாஜி' படம் இருக்கிறது. பாரம்பரிய தயாரிப்பு நிறுவனமான ஏவிஎம் தயாரிப்பில், ஷங்கர் இயக்கத்தில், ஏஆர் ரகுமான் இசையமைப்பில், ரஜினிகாந்த், ஸ்ரேயா, சுமன், விவேக், மணிவண்ணன், வடிவுக்கரசி மற்றும் பலர் நடித்த படம். இன்றுடன் இப்படம் வெளிவந்து 15 ஆண்டுகள் நிறைவடைகிறது. 2007ம் ஆண்டு ஜுன் மாதம் 15ம் தேதி இப்படம் வெளிவந்தது.

“ச்சும்மா அதிருதுல்ல” என்று ரஜினிகாந்த் பேசிய வசனம் இன்றும் பலர் நிஜ வாழ்க்கையில் பேசும் ஒரு வசனமாக உள்ளது. அந்த அளவிற்கு இப்படத்தின் வெற்றி திரையுலகத்தையே அதிர வைத்தது. இந்தப் படம்தான் தமிழ் சினிமாவை உலக அரங்கில் இன்னும் அதிகமாகப் பரவச் செய்தது. அமெரிக்காவில் ஒரு தமிழ்ப் படத்திற்கு முதன் முதலில் கிடைத்த அதிக வரவேற்பு இந்தப் படத்தில் இருந்துதான் ஆரம்பமானது.

ஒரு பக்கா கமர்ஷியல் படமாக உருவான இப்படத்தில் நடிப்பு, பிரம்மாண்டம், சென்டிமென்ட், சிறப்பான பாடல்கள் என அனைத்தும சிறப்பாக அமைந்து படத்தின் வெற்றிக்கு பக்கபலமாக இருந்தது. பாடல் காட்சிகளுக்காக அமைக்கப்பட்ட பிரம்மாண்ட அரங்கங்கள் அதில் ரஜினிகாந்த், ஸ்ரேயாவின் நடனம் ஆகியவை இன்றும் வசீகரமானவை.

இடைவேளைக்குப் பின் ரஜினிகாந்த் 'மொட்ட பாஸ்' ஆக வந்து ஒரு அதிரடி ஆட்டமே ஆடியிருப்பார். அவருக்கும் வில்லன் சுமனுக்குமான காட்சிகளில் அனல் பறந்தன. ரஜினி, ஸ்ரேயாவின் ரொமான்ஸ் காட்சிகள், ரஜினி, விவேக்கின் காமெடி காட்சிகள், ரஜினி, மணிவண்ணன், வடிவுக்கரசியின் சென்டிமென்ட் காட்சிகள் அனைத்துவிதமான ரசிகர்களையும் கவர்ந்தவையாக இருந்தன.

எத்தனையோ படங்களுக்கு இரண்டாம் பாகம் வருகிறது. இந்தப் படத்திற்கு இரண்டாம் பாகம் வந்தால் அது ரஜினி ரசிகர்களுக்குக் கொண்டாட்டமாக இருக்கும்.

• 
  விஜய் பட நடிகைக்கு நேரில் ஆஜராக நீதிமன்றம் பிடி வாரண்ட்
• 
  என் சினிமா வாழ்க்கையே முடிந்தது என நினைத்தேன் ; அக்ஷய் குமார் வெளியிட்ட ...
• 
  'துரந்தர்' 2ம் பாகத்தை ஆவலுடன் எதிர்பார்க்கிறேன்! - பாலிவுட் நடிகர் ...
• 
  சல்மான் கான் படத்திலிருந்து காதலர் தின ஸ்பெஷலாக வெளியிடப்பட்ட பாடல்
• 
  திகார் சிறையில் இருக்கும் நடிகருக்கு சம்பளம் உயர்த்தி தர கோரிக்கை வைத்த ...

• 
  தயாரிப்பாளர்களை குழியில் தள்ளும் இயக்குனர்கள் : சேரன் பரபரப்பு பேச்சு
• 
  'டூரிஸ்ட் பேமிலி' பாணி கதையில் ஹிந்தியில் நடிக்கும் பிரியாமணி
• 
  நானாக வாய்ப்பு கேட்ட ஒரே இயக்குனர் இவர்தான் ; மிருணாள் தாகூர்
• 
  பிளாஷ்பேக் : அக்கா அளவுக்கு சாதிக்க முடியாமல் போன தங்கை
• 
  சினிமாவிற்கு வரும் புதிய இரட்டை இசை அமைப்பாளர்கள்