நானாக வாய்ப்பு கேட்ட ஒரே இயக்குனர் இவர்தான் ; மிருணாள் தாக்கூர்

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

18 பிப், 2026 - 12:23 IST

எழுத்தின் அளவு:

நடிகை மிருணாள் தாக்கூர் மராத்தி மற்றும் ஹிந்தி படங்களில் நடித்து வந்தவர் கடந்த 2022ல் தெலுங்கில் வெளியான 'சீதாராமம்' படத்தின் மூலம் தென்னிந்திய சினிமாவில் அடி எடுத்து வைத்தார். அந்த படம் அவருக்கு வெற்றிப் படமாக அமைந்த நிலையில் தொடர்ந்து தெலுங்கு மற்றும் தமிழில் கவனம் செலுத்தி வருகிறார் மிருணாள் தாக்கூர். அதே சமயம் ஹிந்தியிலும் அவர் தொடர்ந்து நடித்து வருகிறார்.

அந்த வகையில் தற்போது ஹிந்தியில் 'டு தீவானே செஹர் மெய்ன்' என்கிற படத்தில் நடித்துள்ளார் மிருணாள் தாக்கூர். இந்த படத்தை இயக்குனர் ரவி உத்யவர் என்பவர் இயக்கியுள்ளார். வரும் பிப்ரவரி 20ம் தேதி இந்த படம் வெளியாக இருக்கிறது. இதை முன்னிட்டு இந்த படத்தின் புரமோஷன் நிகழ்ச்சிகளில் கலந்து கொண்டு வருகிறார் மிருணாள் தாக்கூர். கடந்த 2017ல் ஸ்ரீதேவி கடைசியாக நடித்த 'மாம்' திரைப்படத்தை இயக்கியவர் தான் இந்த ரவி உத்யவர்.

“அந்தப் படத்தைப் பார்த்து வியந்து போய் அந்த சமயத்தில் இயக்குனர் ரவி உத்யவரிடம் வரும் நாட்களில் நாம் இணைந்து பணியாற்ற விரும்புவதாக கூறியிருந்தேன். இதோ இப்போது அவர் டைரக்ஷனிலேயே நடித்து விட்டேன். அதே சமயம் நானாக உங்களது படத்தில் நடிக்க வேண்டும் என்று விருப்பம் தெரிவித்தது துரந்தார் பட இயக்குனர் ஆதித்யா தர்ரிடம் தான். துரந்தர் படம் பார்த்துவிட்டு அவரை நேரில் சந்தித்தபோது அவரது படத்தில் நடிக்க வேண்டும் என்று நேரடியாகவே வாய்ப்பு கேட்டு விட்டேன். இது குறித்து கேட்பதற்கு நான் ஒருபோதும் வெட்கப்படவில்லை” என்று கூறியுள்ளார்.

Mrunal Thakur

Chance

மிருணாள் தாகூர்

நடிப்பு

வாய்ப்பு

கருத்துகள் (0) கருத்தைப் பதிவு செய்ய

பிளாஷ்பேக் : அக்கா அளவுக்கு சாதிக்க ...

'டூரிஸ்ட் பேமிலி' பாணி கதையில் ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய