Dinamalar

தயாராகிறது குக் வித் கோமாளி சீசன் 3

சினிமாவை தாண்டிய நிகழ்ச்சிகளுக்கு புகழ்பெற்றது விஜய் தொலைக்காட்சி. இந்த சேனல் ஆரம்பித்த நிகழ்ச்சிகளைத்தான் மற்ற சேனல்கள் காப்பி அடித்து வேறு வேறு பெயர்களில் ஒளிபரப்புகிறது. அந்த வரிசையில் ஒரு சாதாரண சமையல் நிகழ்ச்சியை நம்பர் ஒண் எண்டர்டெயின்மென்ட் நிகழ்ச்சியாக மாற்றி வெற்றி கண்டது இந்த சேனல்.

குக் வித் கோமாளியின் முதல் சீசனில் வனிதா விஜயகுமார், உமா ரியாஸ், ரேகா, பாலாஜி, ரம்யா பாண்டியன் உட்பட பலர் போட்டியாளர்களாக இருந்தனர். இவர்களுடன் கோமாளிகளாக புகழ், பாலா,மணிமேகலை, ஷிவாங்கி இருந்தனர். தாமு மற்றும் வெங்கடேஷன் செப்பாக இருந்தார்கள்.
தொடர்ந்து 2வது சீசன் ஒளிபரப்பானது. இதில், ஷகிலா, தர்ஷா குப்தா, பவித்ரா லட்சுமி, பாபா பாஸ்கர், தீபா, மதுரை முத்து, அஸ்வின் என பலர் இடம் பெற்றனர். இந்த நிகழ்ச்சியில் ஷிவாங்கி மற்றும் அஸ்வின் கலாட்டா மிகவும் வைரலானது. சமீபத்தில் 2வது சீசன் நிறைவடைந்தது.

3வது சீசன் எப்போது வரும் என்கிற எதிர்பார்ப்பை முதல் இரண்டு சீசன்களும் ஏற்படுத்தி விட்டது. தற்போது மிஸ்டர் அண்ட் மிசஸ் சின்னத்திரை நிகழ்ச்சியில் பிசியாக இருக்கும் சேனல், அதற்கு பிறகு பிக் பாஸ் புதிய சீசனை தொடங்க இருக்கிறது. இதற்கிடையில் குக் வித் கோமாளி 3வது சீசனுக்கான பணிகளும் வேகமாக நடந்து வருகிறது.

இரண்டாவது சீசனில் மக்களின் கவனத்தை ஈர்த்த, புகழும், ஷிவாங்கியும் செப் தாமுவும் 3வது சீசனில் தொடர்வார்கள் என்று தெரிகிறது. மற்றவர்கள் புதியவர்களாக இருப்பார்கள். யாரும் எதிர்பாராத வகையில் ஒரு திரைப்பட நட்சத்திரமும் 3வது சீசனில் இணைகிறார். 3வது சீசன் செப்டம்பர் அல்லது அக்டோபர் மாதத்தில் தொடங்கும் என்று தெரிகிறது.

• 
  சமந்தா சொல்வது உண்மைதான் : அர்ஜுன் கபூர் ஒப்புதல்
• 
  மகனை இயக்குனராக அறிமுகப்படுத்தும் ஷாருக்கான்
• 
  வாழ்க்கையை குறை சொல்லாதீங்க : தோல்வி குறித்து ஷாரூக்கான் தந்த அறிவுரை
• 
  உண்மையை வெளிக்கொண்டு வந்துள்ளது: 'தி சபர்மதி ரிப்போர்ட்' படத்திற்கு ...
• 
  கங்குவா பட நாயகி திஷா பதானியின் தந்தையிடம் ரூ.25 லட்சம் மோசடி

• 
  திரிசூலம், சூர்யவம்சம், விக்ரம் - ஞாயிறு திரைப்படங்கள்
• 
  அபிநட்சத்திரா நடிக்கும் அன்னம் தொடரின் புரோமோ ரிலீஸ்
• 
  கார்த்திகை தீபம் சீரியலிலிருந்து விலகிய அயுப்
• 
  'சிறகடிக்க ஆசை' கோமதி ப்ரியா க்யூட் கிளிக்ஸ்
• 
  டெல்னா டேவிஸின் 'ஆடுகளம்' புரோமோ ரிலீஸ்!