Dinamalar

இயக்குனர் மீது நடிகை பாலியல் புகார்

மலையாள சினிமாவில் நடிகர்கள், இயக்குனர்கள், தயாரிப்பாளர்கள் மீது நடிகைகள் பாலியல் புகார் கூறுவது அதிகரித்து வருகின்றன. அதுவும் முன்னணி நடிகை கடத்தல் சம்பவத்துக்கு பிறகு இது அதிகரித்துள்ளன.

கடந்த சில தினங்களுக்கு முன்பு நடிகை பார்வதி, நானும் கடத்தப்பட்டு துன்புறுத்தப்பட்டேன் என்று கூறி பரபரப்பை ஏற்படுத்தினார். இந்த நிலையில் நடிகை நிஷா சாரங்கன் பாலியல் புகார் கூறி பரபரப்பை ஏற்படுத்தியுள்ளார்.

சினிமாவில் குணசித்ர வேடங்களில் நடிக்கும் நிஷா சாரங்கன், தற்போது ஒரு முன்னணி சேனலில் உப்பம் முலக்கும் என்ற காமெடி தொடரில் நடித்து வருகிறார். இந்த தொடரின் இயக்குனர் உன்னி கிருஷ்ணன் மீது அவர் பாலியல் புகார் கூறியுள்ளார். இதுகுறித்து அவர் கூறியிருப்பதாவது:

இயக்குனர் உன்னி கிருஷ்ணன் படப்பிடிப்பு தளங்களில் அடிக்கடி பாலியல் தொந்தரவு தந்து வந்தார். அதற்கு நான் கடும் எதிர்ப்பு தெரிவித்தேன். இருப்பினும் படப்பிடிப்பின்போது சில்மிஷங்களில் ஈடுபடுவார். இது குறித்து நான், டிவி சேனல் தலைமை நிர்வாகியிடம் புகார் செய்தும் பலன் இல்லை.

குடும்ப சூழ்நிலை கருதி அந்த தொடரில் தொடர்ந்து நடித்து வந்தேன். என்னை பலமுறை மரியாதை குறைவாக நடத்தினார். இந்நிலையில் என்னை தொடரில் இருந்து நீக்கியதாக உன்னி கிருஷ்ணன் தெரிவித்தார். இது எனக்கு அதிர்ச்சியை ஏற்படுத்தியது. இவ்வாறு அவர் கூறியுள்ளார்.

இந்த புகாரை அவர் மலையாள சினிமா பெண்கள் சங்கத்திற்கு அனுப்பி இருப்பதோடு, தனது பேஸ்புக்கிலும் பதிவிட்டிருக்கிறார். தொடர்ந்து நடிக்க வாய்ப்பு தருவதாகவும், தொடரின் இயக்குனரை மாற்றுவது குறித்து ஆலோசித்து வருவதாகவும் டிவி நிர்வாகம் தெரிவித்துள்ளது.

• 
  தர்மேந்திராவின் 90வது பிறந்தநாள் : ஹேமமாலினி உருக்கம்
• 
  ‛தூரான்தர்' படத்தின் வசூல் நிலவரம்!
• 
  மலேசியாவில் ரசிகர்களுடன் புகைப்படம் எடுத்த அஜித்
• 
  தர்மேந்திரா பிறந்தநாளில் ரசிகர்களின் பார்வைக்காக பண்ணை வீடு திறப்பு
• 
  லண்டன் லெஸ்டர் சதுக்கத்தில் ஷாருக்கான், கஜோலுக்கு சிலை

• 
  இயற்கை விவசாயம் செய்யும் மேக்னா
• 
  பார்த்தால் பசிதீரும், ஒரு அடார் லவ், சிவாஜி : ஞாயிறு திரைப்படங்கள்
• 
  அன்பே வா, அவள் வருவாளா, நம்ம வீட்டுப் பிள்ளை - ஞாயிறு திரைப்படங்கள்
• 
  ராமன் தேடிய சீதை, பாட்ஷா, குடும்பஸ்தன் - ஞாயிறு திரைப்படங்கள்
• 
  இதயக்கனி, அன்புள்ள ரஜினிகாந்த், போர் தொழில் - ஞாயிறு திரைப்படங்கள்