Dinamalar

நான் தண்ணீர் மாதிரி...! -சீரியல் நடிகர் ராமச்சந்திரன்

கோலங்கள், திருமதி செல்வம், உறவுகள், கலசம், லட்சுமி வந்தாச்சு, மைநேம் இஸ் மங்காத்தா, காயத்ரி, கேளடி கண்மணி உள்பட இதுவரை 80 சீரியல்களில் நடித்திருப்பவர் ராமச்சந்திரன். அந்த வகையில், ரம்யா கிருஷ்ணன், தேவயானி போன்ற முன்னணி நடிகைகள் நடித்த சீரியல்களில் அழுத்தமான கதாபாத்திரங்கள் நடித்து புகழ் பெற்றவர் இவர்.

கேளடி கண்மணி சீரியல் ஸ்பாட்டில் அவரை சந்தித்தபோது, இந்த சீரியலில் முதலில் நெகடீவாக இருந்த எனது ரோல் இப்போது பாசிட்டீவாக மாறியிருக்கிறது. ஆனால் அடுத்தபடியாக இந்த கேரக்டர் எப்படியெல்லாம் மாறும் என்று சொல்ல முடியாது. அந்த அளவுக்கு கதையில் அதிரடி திருப்பங்களை செய்து கொண்டேயிருக்கிறார் டைரக்டர். முக்கியமாக, இணையதளம் மூலம் நேயர்களின் கமெண்ட்ஸ் பற்றி தெரிந்து கொண்டு அதற்கேற்ப கதையை மாற்றிக்கொண்டேயிருக்கிறார். அதனால் நாளுக்கு நாள் இந்த தொடர் விறுவிறுப்பாக சென்று கொண்டிருக்கிறது.

மேலும், ஒரு சீரியலில் முதலில் கெட்டவனாக காண்பித்தால் கடைசி வரை கெட்டவனாகவே காட்டுவார்கள். ஆனால், இந்த தொடரில் நான் நடித்து வந்த நெகடீவ் ரோலை பாசிட்டீவாக்கியிருக்கிறார் டைரக்டர். அது எனக்கு புதுமையாக உள்ளது. அதன்காரணமாக சீரியல் முழுக்க ஒரே மாதிரியாக இல்லாமல் வெவ்வேறு கோணங்களில் பர்பாமென்ஸ் செய்யக்கூடிய வாய்ப்பு கிடைக்கிறது. சீரியலைப் பார்க்கும் நேயர்களுக்கும் அது புதிய அனுபவமாக இருக்கும். இந்த கேரக்டர் மறுபடியும் நெகடீவாகி விடுமோ என்கிற பதட்டத்துடனேயே சீரியலைப் பார்க்கிற நிலை ஏற்படுகிறது.

அதோடு, இதுவரை நான் எல்லாவிதமான கேரக்டர்களிலும் நடித்து விட்டேன்.அதனால் எதிர்காலத்தில் நான் நடிக்காத வித்தியாசமான கதாபாத்திரங்களில் நடிக்க வேண்டும் என்கிற ஆர்வத்தில் இருக்கிறேன். குறிப்பாக, எனக்கு கட்டுப்பாடு எதுவும் கிடையாது. டைரக்டர்கள் எந்த மாதிரியான வேடம் கொடுத்தாலும் தண்ணீர் மாதிரி அந்தந்த பாத்திரத்திற்கேற்ப என்னை மாற்றிக்கொண்டேயிருப்பேன் என்று கூறும் ராமச்சந்திரன். சினிமாவிலும் நல்ல வேடங்கள் கிடைத்தால் நடிக்கும் ஐடியாவில் இருக்கிறாராம்.

• 
  அட்லி - அல்லு அர்ஜூன் படம் ஒரு சினிமா புரட்சி! ரன்வீர் சிங் வெளியிட்ட தகவல்
• 
  அமிதாப் பச்சனின் தீபாவளி கொண்டாட்டத்தில் மகளுடன் ஆப்சென்ட் ஆன ஐஸ்வர்யா ...
• 
  ‛பேட்டில் ஆப் கல்வான்' படப்பிடிப்பில் சல்மான்கானுக்கு மொபைல் போன் ...
• 
  காதலருடன் ஹூமா குரேஷிக்கு நிச்சயதார்த்தம் நடந்ததா?
• 
  நீதிமன்றம் கெடுபிடி : வெளிநாட்டு பயணத்தை ரத்து செய்த ஷில்பா ஷெட்டி

• 
  உழைக்கும் கரங்கள், எஜமான், கண்ணப்பா - ஞாயிறு திரைப்படங்கள்
• 
  தில்லானா மோகனாம்பாள், அவ்வை சண்முகி, ஜெயிலர் - ஞாயிறு திரைப்படங்கள்
• 
  அரச கட்டளை, தளபதி, நிலவுக்கு என்மேல் என்னடி கோபம் - ஞாயிறு திரைப்படங்கள்
• 
  அக்டோபர் 5ம் தேதி முதல் பிக்பாஸ் சீசன்- 9 ஆரம்பம்!
• 
  தவப்புதல்வன், கண்டுகொண்டேன் கண்டுகொண்டேன், ஆதிபுருஷ் - ஞாயிறு ...