Dinamalar

ஸ்ரீஜாவுக்கு மாப்பிள்ளை தேடுகிறார்கள்

பொம்மலாட்டம் சீரியல் மூலம் புகழ்பெற்றவர் ஸ்ரீஜா. ஒரே தொடரில் 3 வருடங்களாக நடித்து வருகிறார். இடையில் வந்த பல சினிமா வாய்ப்புகளை தவிர்த்து விட்டார். தற்போது ஸ்ரீஜாவிற்கு வீட்டில் மாப்பிள்ளை பார்த்து வருகிறார்கள். "பொம்மலாட்டம் தொடரில் தான் அறிமுகமானேன். தொடர்ந்து அதில் நடித்து வருகிறேன். தொடரும், கேரக்டரும், அதற்கு மக்கள் தரும் ஆதரவும் பிடித்துப்போனதால் மற்ற விஷயங்கள் பற்றி நான் யோசிக்கவில்லை. பொம்மலாட்டம் முடிந்த பிறகு இதேபோன்ற வலுவான கேரக்டர் கிடைத்தால் தொடர்ந்து நடிப்பேன். இதற்கிடையில் வீட்டில் எனக்கு திருமணம் செய்து வைக்க முடிவு செய்திருக்கிறார்கள். மாப்பிள்ளையும் தேடிக் கொண்டிருக்கிறார்கள். எனக்கு இதுவரை காதல் வரவில்லை. காதலிக்க தைரியமும் இல்லை" என்கிறார் ஸ்ரீஜா.

• செய்திகள்