Dinamalar

வலிமை படத்தில் 3 சேசிங் காட்சிகள்

அஜித் தற்போது எச். வினோத் இயக்கத்தில் வலிமை படத்தில் நடித்து வருகிறார். பாலிவுட் நடிகை ஹுமா குரேஷி இந்தப் படத்தில் கதாநாயகியாக நடிக்கிறார். யுவன் ஷங்கர் ராஜா இசையமைக்கிறார். வலிமை படத்திற்கு தமிழ் சினிமாவில் அதிக எதிர்பார்ப்பு நிலவி வருகிறது. சில தினங்களுக்கு முன்பு வலிமை படத்தின் மோஷன் போஸ்டர், பர்ஸ்ட் லுக் மற்றும் டீசர் வெளியாகி வரவேற்பு பெற்றன.

இந்த படத்தில் பல காட்சிகளில் அஜித் டூப் போடாமல் ஸ்டண்ட் செய்துள்ளார். இதுகுறித்து தற்போது இயக்குனர் வினோத் கூறியிருப்பதாவது, படத்தில் 3 சேசிங் காட்சிகள் உள்ளன. ஐதராபாத்தில் புதிதாக போடப்பட்டு இன்னும் திறக்காத நெடுஞ்சாலையில் ரேசிங் காட்சிகள் ஷூட்டிங் செய்தோம். ரோடு கல்லும் மண்ணும் ஆக இருந்தது. அப்போது ஒரு டயர் வீலை பண்ணும் மாதிரி காட்சி எடுக்கப்பட்ட போது டயர் தடுமாறி அஜித் கீழே விழுந்து விட்டார்.

வேகமாக வந்து விழுந்ததால் அஜித் கை, கால்கள் எல்லாம் காயம் ஏற்பட்டது. நான் இரண்டு கிலோ மீட்டருக்கு தள்ளி இருந்தேன். விஷயம் கேள்விப்பட்டவுடன் அதிர்ச்சியாகி இருந்தேன். இடத்துக்குப் போனேன். அப்போது அஜித் உடைந்து போன பைக்கையே பார்த்துக் கொண்டிருந்தார். நான் சார் உங்களுக்கு எந்த பிரச்சனையும் இல்லையே என்று கேட்டேன். அதற்கு அவர் எனக்கு ஒன்றுமில்லை, பைக்தான் உடைந்துவிட்டது நாளைக்கு ஷூட்டிங்க்கு என்ன பண்றது என்று கேட்டார். ரைடிங் கியரை கழட்டிய பிறகுதான் அவருக்கு அடிபட்டிருக்கிறது என்று தெரிய வந்தது. பின் எங்களுக்கெல்லாம் கவலையாகி விட்டது. அப்புறம் அவர் யார் கிட்ட பேசினார், என்ன பேசினார் என்று தெரியாது. அடுத்த நாள் வேறு மாற்று பைக் வந்துவிட்டது.

இவ்வாறு வினோத் கூறியுள்ளார்.

• 
  வசூல் கொட்டுது... : 10 நாளில் ரூ.552.70 கோடியை குவித்த ‛துரந்தர்'
• 
  நான் அழுதால் நீங்கள் சிரிப்பீர்கள் ; சல்மான்கான் வெளிப்படை பேச்சு
• 
  தெலுங்கில் டப் செய்யப்படும் ரன்வீர் சிங்கின் 'துரந்தர்'
• 
  16 வயதுக்கு கீழ் உள்ளவர்களுக்கு தடை செய்ய வேண்டும் : சோனு சூட்
• 
  விவாகரத்து வதந்தி : கடும் கோபத்தை வெளிப்படுத்திய அபிஷேக் பச்சன்

• 
  ஹனி ரோஸின் ‛ரேச்சல்' படம் ரிலீஸ் ஒத்திவைப்பு
• 
  புத்தாண்டு தினத்தில் அஜித் 64வது பட அறிவிப்பு வெளியாகிறதா?
• 
  கருப்பு படத்தின் சாட்டிலைட் உரிமையை வாங்கிய ஜீ தமிழ் சேனல்
• 
  மதுப்பழக்கம் துவங்கியது புகுந்த வீட்டில் தான்; நடிகை ஊர்வசி
• 
  எம்ஜிஆர் நினைவுநாளில் 'வா வாத்தியார்' வருகிறார்…???