Dinamalar

மாநாடு - சிம்பு பட டிரைலருக்கு முதல் 1 கோடி பார்வைகள்

தமிழ் சினிமாவில் தன்னுள் பல திறமைகளை அடக்கியுள்ள ஒரு நடிகர் சிலம்பரசன். இயக்கம், நடிப்பு, இசை, பாடல் எழுதுவது, பாடுவது உள்ளிட்ட பல திறமைகள் அவரிடம் உண்டு. அவரது திறமைக்கேற்ற உயரத்தை அவர் இன்னும் அடையவில்லை என்பதுதான் உண்மை. சிம்பு நடித்து இதுவரை வெளிவந்துள்ள படங்கள் படைக்காத ஒரு சாதனையை அவர் நடித்து தீபாவளிக்கு வர உள்ள 'மாநாடு' டிரைலர் படைத்துள்ளது.

கடந்த அக்டோபர் 2ம் தேதி 'மாநாடு' பட டிரைலர் யு டியுபில் வெளியானது. நான்கு நாட்களுக்குள்ளாக அந்த டிரைலர் 1 கோடி பார்வைகளைக் கடந்துள்ளது. சிம்பு நடித்து இதுவரை வெளிவந்துள்ள படங்களில் 'செக்கச் சிவந்த வானம்' படத்தின் டிரைலருக்குத்தான் 1 கோடிக்கும் அதிகமான பார்வைகள் கிடைத்தது. ஆனால், அந்தப் படத்தில் சிம்பு, விஜய் சேதுபதி, அரவிந்த்சாமி என மூன்று ஹீரோக்கள்.

யூ டியுப் அதிக பிரபலமான கடந்த சில வருடங்களில், சிம்பு தனி நாயகனாக நடித்து பரபரப்பை ஏற்படுத்திய 'அச்சம் என்பது மடமையடா, அன்பானவன் அசராதவன் அடங்காதவன், வந்தா ராஜாவாதான் வருவேன், ஈஸ்வரன்' ஆகிய படங்களின் டிரைலர்கள் கூட 1 கோடி பார்வையைக் கடந்ததில்லை. 'மாநாடு' டிரைலருக்கு அந்தப் பெருமை கிடைத்துள்ளது. இது படத்தின் மீதான எதிர்பார்ப்பை அதிகப்படுத்தியுள்ளதாக படக்குழுவினருக்கும் மகிழ்ச்சிதான்.

தீபாவளியை முன்னிட்டு 'மாநாடு' படம் வெளியாக உள்ளது.

• 
  தனுஷ் படத்தின் இறுதிக்கட்ட படப்பிடிப்பில் கிர்த்தி சனோன்
• 
  'கல்கி 2' படத்திலிருந்தும் தீபிகா படுகோனே விலகல்?
• 
  சூப்பர் ஹீரோ படத்திற்காக லோகேஷ் கனகராஜ் உடன் கைகோர்க்கும் அமீர்கான்
• 
  தாரே ஜமீன் பர் படத்தை யு-டியூப்பில் இலவசமாக வெளியிடும் அமீர்கான்
• 
  5 ஆண்டுகளாக உருவான 'சையாரா' பாடல்கள்

• 
  புதிய ஆரம்பம் - நடிகர் கிருஷ்ணா இரண்டாவது திருமணம்
• 
  பிரித்விராஜ் படத்திலிருந்து நீக்கப்பட்டேன் ; ஜோஜூ ஜார்ஜ்
• 
  மகளுக்கு டைட்டில் கார்டில் இடம் கொடுத்த மணிரத்னம் ; நன்றி சொன்ன குஷ்பு
• 
  இந்தியன் 2 படத்தை விட குறைவாக வசூலித்த தக் லைப்
• 
  மீண்டும் தள்ளிப் போகும் 'ஹரிஹர வீர மல்லு'